ՖԻՖԱ-ն Ատլետիկին արգելել է նորեկներ գրանցել մինչև 2028 թվականը

Ֆուտբոլի միջազգային ֆեդերացիան (ՖԻՖԱ) պատժամիջոց է կիրառել Բիլբաոյի «Ատլետիկի» նկատմամբ՝ արգելելով ակումբին նոր ֆուտբոլիստներ գրանցել։ Տեղեկությունը հաստատվել է կազմակերպության պաշտոնական կայքում։

Սանկցիան գործելու է երեք անընդմեջ տրանսֆերային պատուհանի ընթացքում՝ 2026 թվականի ամռանը, ինչպես նաև 2027 թվականի ձմռանն ու ամռանը։ Բասկյան ակումբը տրանսֆերային գործունեությունը վերսկսելու և նոր խաղացողներ հայտավորելու իրավունք կստանա միայն 2028 թվականի հունվարից։

Հիշեցնենք, որ Լա լիգայի ընթացիկ մրցաշրջանում «Ատլետիկը» 23 խաղից հետո 28 միավորով զբաղեցնում է մրցաշարային աղյուսակի 10-րդ հորիզոնականը՝ առաջատար «Բարսելոնային» զիջելով 30 միավորով։ Փետրվարի 15-ին բասկերը արտագնա խաղում կմրցեն «Օվյեդոյի» հետ։