Կարեն Խաչանովը հաղթանակով մեկնարկեց Ռոտերդամի մրցաշարում

Աշխարհի 18-րդ ռակետ Կարեն Խաչանովը հաղթանակով է մեկնարկել Ռոտերդամում ընթացող ATP-500 շարքի մրցաշարում։ Ռուսաստանը ներկայացնող հայ թենիսիստն առաջին շրջանում 3 սեթում հաղթել է Նիդերլանդների ներկայացուցիչ, 86-րդ ռակետ Յեսպեր դե Յոնգին։

Մրցախաղը տևել է 2 ժամ 25 րոպե և ավարտվել 3:6, 6:4, 7:5 հաշվով։ Կարեն Խաչանովի հաջորդ մրցակիցը կլինի իսպանացի Խաումե Մունյարը։ Ռոտերդամի մրցաշարի զուգախաղում Խաչանովը լեհ Հուբերտ Հուրկաչի հետ պարտություն է կրել առաջին շրջանում ու ավարտել ելույթը։