Վարչական վարույթների մեծ մասը բովանդակային բնույթ ունի և ուղղված չէ խոսքի ազատության սահմանափակմանը
Վերջին տարիներին Հեռուստատեսության և ռադիոյի հանձնաժողովը զգալիորեն ավելացրել է վերահսկողական վարույթների քանակը։ «Արմենպրես»-ի հաղորդմամբ՝ մամուլի ասուլիսի ժամանակ այս մասին հայտարարեց Հեռուստատեսության և ռադիոյի հանձնաժողովի նախագահ Տիգրան Հակոբյանը։ Նրա խոսքով՝ միայն 2025 թվականին հանձնաժողովը նախաձեռնել է 84 վարչական վարույթ, մինչդեռ 2011-2018 թվականների ընթացքում դրանց թիվը կազմել է ընդամենը 15։
«2019 թվականից մինչև նախորդ տարի մենք նախաձեռնել ենք մոտ 400 վարույթ, որոնց արդյունքում որոշ լրատվամիջոցներ ենթարկվել են պատժամիջոցների՝ ֆինանսական տուգանքներից մինչև հաղորդումների կասեցում»,– նշեց Հակոբյանը։ Հանձնաժողովի նախագահը պարզաբանեց, որ իրականացվող վարչական վարույթների մեծ մասը բովանդակային բնույթ ունի և ուղղված չէ խոսքի ազատության սահմանափակմանը։
«Վարույթների մի մասը վերաբերում է հեղինակային իրավունքի խախտումներին։ Սա մեզ համար կարևոր է, քանի որ Հայաստանն ունի նաև միջազգային պարտավորություններ։ Երբ տնտեսավարող սուբյեկտները ծախսեր են կատարում՝ բովանդակություն ձեռք բերելու կամ արտադրելու համար, և որևէ հեռարձակող առանց պայմանագրի սկսում է այդ բովանդակության անօրինական տարածում, դա վնաս է հասցնում օրինական գործող սուբյեկտներին»,-ընդգծեց նա։
Տիգրան Հակոբյանի խոսքով՝ վարույթների մի մասն էլ առնչվում է բռնության տեսարանների ցուցադրմանը, ծխախոտի և ալկոհոլային խմիչքների գովազդին, առանց լիցենզիայի դեղամիջոցների տարածմանը, ինչպես նաև հաղորդումներից առաջ օրենքով սահմանված նախազգուշացումների բացակայությանը։ «Այս պատժամիջոցները հանրօգուտ բնույթ ունեն, քանի որ մենք չենք կարող թույլ տալ այնպիսի գովազդ կամ բովանդակություն, որը վնասում է քաղաքացիների ֆիզիկական և հոգևոր առողջությանը»,-նշեց նա։
Հակոբյանը վստահեցրեց, որ հանձնաժողովի կողմից կիրառված որևէ պատիժ նպատակ չի ունեցել սահմանափակելու խոսքի ազատությունը, և ընդգծեց, որ իրականացված վերահսկողությունը չի խաթարել հանձնաժողովի և հեռարձակողների հարաբերությունները։ «Մենք լավ ենք իրար հասկանում, և մեր քայլերի արդյունքում վերջին տարիներին էականորեն նվազել են հեղինակային իրավունքի խախտումները։ Ավելին, մեր միջազգային գործընկերներից ստանում ենք շնորհակալական նամակներ անզիջում պայքարի համար, ինչը խոսում է նաև Հայաստանի հեղինակության մասին միջազգային ասպարեզում»,– եզրափակեց հանձնաժողովի նախագահը։


















































Կանգնած ենք վարորդների կողքին
Մի նոր փոդքաստ պարտադիր դիտման համար
«Օրիոն» տիեզերանավը վերադառնում է Երկիր. NASA
Դպրոցներում՝ բջջային հեռախոսների արգելքի արդյունքները
Շենգավիթի համայնքային ոստիկանները ձերբակալել են դանակի սպառնալիքով բանկի աշխատակցից գումար պահանջած ...
Վթարային ջրանջատում Կոտայքի մարզում
ՆԳ նախարարը ծանոթացել է Սևանի ջրափրկարարական ջոկատի վարչական նոր համալիրի շինաշխատանքներին և նավամատ...
Երևանի ևս 58 մանկապարտեզում տեսախցիկներ կտեղադրվեն
Կադաստրի կոմիտեի անունից քաղաքացիներին ուղարկվել են այլ կայքերի հղումներ պարունակող SMS հաղորդագրութ...
Երևանում և մարզերում էլեկտրաէներգիայի ընդհատումներ կլինեն