Նախկին բարձրաստիճան պաշտոնյայի կողմից վերականգնվել է պետությանը պատճառված ավելի քան 36 մլն ՀՀ դրամի վնասը

Քաղաքաշինության նախկին նախարար, Ազգային ժողովի նախկին պատգամավոր Վարդան Վարդանյանը վերականգնել է պետությանը պատճառած 36 միլիոն 580 հազար դրամ վնասը։ Iravaban.net-ը տեղեկանում է Հակակոռուպցիոն կոմիտեից։

Դեռևս 2020 թվականի օգոստոսից քննվող քրեական վարույթով նախկին բարձրաստիճան պաշտոնյան մեղադրվում է փողերի լվացման և պաշտոնեական դիրքի չարաշահման համար։ Հակակոռուպցիոն կոմիտեում քննվել է Քաղաքաշինական ծրագրերի փորձագիտական կենտրոն բաց բաժնետիրական ընկերությանը պատկանող անշարժ գույքերը օտարելու վերաբերյալ մի քանի դրվագներով վարույթ, ընկերությունը հանդիսացել է պետական ընկերություն, որի 83 և ավելի տոկոս բաժնեմասերը պատկանել են Հայաստանի Հանրապետությանը, և քաղաքաշինության նախարարությունը հանդիսացել է նշված ընկերության բաժնետոմսերը տնօրինելու իրավասություն ունեցող մարմինը։

2008 թվականին Ջերմուկ Ինթերնեյշնալ ընկերությունը ցանկություն է հայտնել ձեռք բերել քաղաքաշինական ծրագրերի փորձագիտական կենտրոնին պատկանող 3.5 հեկտար հողատարածքը, օգտվելով հանգամանքից քաղաքաշինության նախարարը սկսել է Կենտրոն-Արաբկիր և Նոր Նորք վարչական շրջաններում գտնվող չորս անշարժ գույքերի ապօրինի ձեռքբերման գործընթացը։ Գույքերի շուկայական արժեքը 2008 թվականին կազմել է ավելի քան 56 միլիոն դրամ։ Անշարժ գույքերը գտնվել են Երևան քաղաքի Աղայան փողոցի յոթերորդ շենքի 97-րդ հասցեում, Լեոյի փողոցի իններորդ շենքի 35-րդ հասցեում, Ավետիսյան փողոցի առաջին շենքի 42-րդ հասցեում և մոլդովական 24/5 շենքի 46-րդ հասցեում։ Եվ քաղաքաշինության նախարար հանդիսացած անձը առանց համապատասխան հիմնավորումների ըստ էության նկուղային տարածքներ հանդիսացող այդ չորս անշարժ գույքերը, որոնցում տեղադրված են եղել երկրաշարժերի կայանները ֆիքսող սարքեր, ներառել է կառավարության որոշման մեջ առանց համապատասխան հիմնավորումների և նախագծում, ինչպես նաև հիմնավորումների մեջ, դրանց վերաբերյալ որևէ բան չի նշվել։ Առանձին հավելվածներով դրանք կցվել են կառավարության որոշման նախագծին։

Այդպիսով, կառավարությունը հաստատել է անշարժ գույքերը Ջերմուկ Ինթերնեյշնալ ընկերությանը օտարելու որոշման նախագիծը։ Այնուհետև այդ օտարումից գրեթե երեք ամիս անց հիշյալ անշարժ գույքերը Ջերմուկ Ինթերնեյշնալ ընկերությունը օտարել է արդեն նույն անձին փոխկապակցված անձանց, ընտանիքի անդամներին, մասնավորապես նրա երեխաներին և կնոջ եղբորը։

2025 թվականի օգոստոսին քաղաքաշինության նախկին նախարարի և նրա հետ փոխկապակցված չորս անձանց նկատմամբ հարուցվել է հանրային քրեական հետապնդում։ Ջերմուկ Ինթերնեշնալ ընկերության նախկին տնօրենին մեղադրանք է առաջադրվել պաշտոնեական դիրքի չարաշահմանն օժանդակելու, ինչպես նաև փողերի լվացում կատարելու համար։ Իսկ պաշտոնատար անձի ընտանիքի անդամները և կնոջ եղբայրը մեղադրվել են փողերի լվացման համար։

Վարդանյանի նկատմամբ որպես խափանման միջոց կիրառվել է տնային կալանքը և 50 միլիոն դրամի գրավը, մյուսների նկատմամբ՝ բացակայելու արգելքը։ Ըստ էության արարքը ավարտվել էր 2009 թվականին, որից, որից ելնելով, թեև հիշյալ անձանց մեղսագրվում էր առանձնապես ծանր բնույթի հանցագործություն, այնուամենայնիվ արարքի քրեական պատասխանատվության ենթարկելու վաղեմության ժամկետներն անցած են եղել և հիշյալ անձինք չեն առարկել, որպեսզի իրենց նկատմամբ իրականացվող հանրային քրեական հետապնդումը դադարեցվի ոչ արդարացնող,  վաղեմության ժամկետներն անցած լինելու հիմքով և ներկայացրել են հիշյալ հանգամանքը հավաստող դիմումներ։

Նշվածը հաշվի առնելով, որ առկա է եղել քրեական պատասխանատվությունից ազատելու օրենքով նախատեսված հանգամանք, վերջիններիս նկատմամբ հանրային քրեական հետապնդումը դադարեցվել է։ Նախաքննության ընթացքում պարզվել է, որ ապօրինի ճանապարհով ձեռք բերված Երևանի Աղայան փողոցի յոթերորդ շենքի անշարժ գույքը, որի շուկայական արժեքը 35 մլն 7 100000 դրամ է, դեռևս պատկանում է Վարդան Վարդանյանին, նա բացի վերադարձված գումարից պատրաստակամություն է հայտնել վերադարձնել նաև վերոհիշյալ գույքը նվիրատվության կամ ցանկացած այլ եղանակով։