Վազգեն Թևանյանը «Pro Wrestling League 2026»-ում 5-2 հաշվով հաղթել է ադրբեջանցի մարզիկին

Ազատ ոճի ըմբշամարտի 2023թ․ Եվրոպայի չեմպիոն Վազգեն Թևանյանը (65 կգ) հաղթանակ է տարել Հնդկաստանում անցկացվող Pro Wrestling League (PWL) մրցաշարում։ Maharashtra Kesari թիմում ընդգրկված հայ ըմբիշը մրցել է ադրբեջանցի Ալի Ռահիմզադեի հետ ու հաղթել 5։2 հաշվով։ Թևանյանը հաղթանակ է կորզել գոտեմարտի վերջնամասում։

Հայաստանի մեկ այլ ներկայացուցիչ, 2024թ․ Եվրոպայի չեմպիոն Արման Անդրեասյանը (74 կգ) UP Dominators թիմի կազմում ուժերը չափել է հնդիկ Չանդերմոհանի հետ ու պարտվել 5։12 հաշվով։ Pro Wrestling League (PWL) ըմբշամարտի պրոֆեսիոնալ լիգա է, որը հիմնադրվել է 2015 թվականին։ PWL-ի նախորդ մրցաշարն անցկացվել էր 2019-ին։