Հունվարի 3-ի կարեւոր լուրերը

UFC-ի թեթև քաշային կարգի դասակարգման առաջատար Արման Ծառուկյանը և ազատ ոճի ըմբշամարտի Եվրոպայի քառակի չեմպիոն Արսեն Հարությունյանը այցելել են զորամաս և շփվել զինվորների հետ։ Հայ մարզիկները շնորհավորել են զինվորների Ամանորը և Սուրբ Ծնունդը՝ մաղթելով նրանց բարի ծառայություն։

Հանրապետության տարածքում հունվարի 4-8-ն սպասվում է առանց տեղումների եղանակ։ Քամին հյուսիս-արևմտյան է՝ 2-5 մ/վ։ Օդի ջերմաստիճանը կնվազի ևս 3-4 աստիճանով, հունվարի 5-8-ը Լոռիում, Տավուշում և Սյունիքում աստիճանաբար կբարձրանա 8-10 աստիճանով, հունվարի 8-ին հանրապետության մնացած շրջաններում կբարձրանա 3-4 աստիճանով։ Երևանում հունվարի 4-8-ն սպասվում է առանց տեղումների եղանակ: Հունվարի 4-ի երեկոյան, 4-ի լույս 5-ի գիշերը և առավոտյան ժամերին հանրապետության բոլոր ավտոճանապարհներին սպասվում է մերկասառույց։

Չինաստանը կոչ է արել ԱՄՆ-ին անհապաղ ազատ արձակել Մադուրոյին և նրա կնոջը

Վենեսուելայի Գերագույն դատարանը որոշում է կայացրել, որ փոխնախագահ Դելսի Ռոդրիգեսը կծառայի որպես ժամանակավոր նախագահ՝ նախագահ Նիկոլաս Մադուրոյի առևանգումից հետո։ Այս մասին ասվում է Սահմանադրական պալատի որոշման մեջ, որը կարդացել է Սահմանադրական պալատի նախագահ Կարիսլիա Բեատրիս Ռոդրիգեսը։  

Վլադիմիր Ժիրինովսկու հերթական մարգարեությունն է հայտնվել համացանցում և այժմ ակտիվորեն քննարկվում է։ Այն վերաբերում է Վենեսուելայի վրա ԱՄՆ-ի հարձակմանը, գրում է «Аргументы и факты»-ն: «Մենք, ասենք, Ուկրաինայի հարցում կզբաղեցնեինք մեր ճիշտ դիրքորոշումը, իսկ նրան հնարավորություն կտայինք Վենեսուելայի հարցում։ Նա վերցնում է Վենեսուելան, մենք՝ Ուկրաինան»,- «Россия 1» հեռուստաալիքի եթերում ասել է Ժիրինովսկին։

ԱՄՆ հատուկ նշանակության ուժերի կողմից ձերբակալված՝ Վենեսուելայի նախագահ Նիկոլաս Մադուրոն տեղափոխվել է Նյու Յորքում գտնվող Ստյուարտ Ազգային գվարդիայի բազա։ Համացանցում հայտնվել են երկրի առաջնորդին ինքնաթիռից դուրս բերելու կադրերը։

Վենեսուելայից հետո Թրամփի հաջորդ թիրախները կարող են լինել Իրանը և Դանիան․ The Guardian

Պայթյուն՝ Աբովյանում գործող գազալցակայաններից մեկում. հերթափոխի պետը տեղափոխվել է հիվանդանոց:

Վենեսուելային լայնամասշտաբ հարվածներ հասցնելուց և նախագահ Նիկոլաս Մադուրոյին և նրա կնոջը ձերբակալելուց հետո Սպիտակ տան ղեկավար Դոնալդ Թրամփը հայտարարել է, որ ԱՄՆ-ն «կկառավարի» Վենեսուելան անորոշ ժամանակով և «կվերակառուցի նավթի ենթակառուցվածքը»։

Ուկրաինայում հակամարտությունն ավարտելու նոր հնարավորություն կա։ Այս մասին հայտարարել է Ուկրաինայի նախագահ Վլադիմիր Զելենսկին եվրոպական երկրների ազգային անվտանգության խորհրդականների հետ հանդիպման ժամանակ, փոխանցում է rbc.ru-ն։

Այսօր՝ հունվարի 3-ին, ավտովթար է տեղի ունեցել Լոռու մարզում։ Ինչպես հայտնում է Shamshyan.com-ը, ժամը 14։00-ի սահմաններում Ալավերդի-Վանաձոր ավտոճանապարհի 20 կմ հատվածում Երևանի բնակիչ 61-ամյա Կարինե Բ․-ն իր վարած «Mitsubishi» մակնիշի ավտոմեքենայով դուրս է եկել ճանապարհի երթևեկելի գոտուց և հայտնվել Ձորագետ գետում՝ քարերի վրա։  

Եվրոպական երկրների և ՆԱՏՕ-ի ազգային անվտանգության խորհրդականները ժամանել են Կիև։ Այս մասինհայտարարել է Ազգային անվտանգության և պաշտպանության խորհրդի քարտուղար Ումերովը։ Պատվիրակության կազմում են Գերմանիայի, Մեծ Բրիտանիայի, Ֆրանսիայի, Իտալիայի, Իսպանիայի, Լատվիայի, Էստոնիայի, Լիտվայի, Լեհաստանի, Ֆինլանդիայի, Կանադայի, Նիդեռլանդների, Շվեդիայի, Նորվեգիայի և Դանիայի, ինչպես նաև ՆԱՏՕ-ի, Եվրոպական խորհրդի և Եվրոպական հանձնաժողովի ներկայացուցիչներ։