Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը

Ջեֆրի Էպշտեյնի և Մայքլ Ջեքսոնի լուսանկարը, որը հայտնվել է արտահոսած նյութերում, արվել է Ֆլորիդայում գտնվող անշարժ գույքի դիտման ժամանակ։ Այս մասին հայտնել է The Mirror-ը՝ հղում անելով Մայքլ Ջեքսոնի նախկին թիկնապահ Մեթ Ֆիդեսին, փոխանցում է lenta.ru-ն:

Ինչպես բացատրեց Ֆիդեսը, փոփ արքան այդ ժամանակ չգիտեր, թե ով է Ջեֆրի Էփշտեյնը: Պարզվել է, որ մանկապիղծ ֆինանսիստը այն տների սեփականատերերից մեկն էր, որոնք Ջեքսոնն այցելել էր 2003 թվականին Պալմ Բիչում մեկշաբաթյա շրջագայության ժամանակ։

Թիկնապահի խոսքով՝ երգչի ներկայությունը ֆինանսիստի տանը, ինչպես և լուսանկարում, պատահականություն էր:

«Մենք պարզապես նայում էինք տունը, քանի որ Մայքլը ցանկանում էր ապրել Պալմ Բիչում, որպեսզի ավելի մոտ լիներ իր ընկեր Բարրի Գիբին»,-գրել է Ֆիդեսը սոցիալական ցանցերում:

«Մենք նույնիսկ չգիտեինք, թե ով է Էփշտեյնը: Այն ժամանակ նա հայտնի չէր»: Ֆիդեսը, որը Ջեքսոնի հետ աշխատել է մոտ 10 տարի, պնդում է, որ նա պարզապես քաղաքավարի է եղել բոլոր երկրպագուների հետ եւ չի հրաժարվել լուսանկարվելուց։  Սակայն նա երբեք ֆինանսիստի շրջապատի մաս չի կազմել։

Հիշեցնենք, որ ԱՄՆ Արդարադատության նախարարությունը հրապարակել էր Էպշտեյնի գործով նոր լուսանկարներ:

Արխիվում կա Բիլ Քլինթոնի լուսանկարը ջակուզիում, ինչպես նաև լուսանկարներ, որոնցում պատկերված են Թրամփն ու Մայքլ Ջեքսոնը: Այս նյութերը ներառված են հետաքննության շրջանակներում հավաքված ապացույցների շարքում: