Ռոբերտ Արզումանյանը լեգենդների հետ ընտրում է աշխարհի լավագույն 100 ֆուտբոլիստներին

Հայաստանի հավաքականի նախկին պաշտպան, Երեւանի «Ուրարտու» ակումբի գլխավոր մարզիչ Ռոբերտ Արզումանյանը ընդգրկվել է 2025 թ. աշխարհի 100 լավագույն ֆուտբոլիստներին ընտրող հեղինակավոր բրիտանական The Guardian պարբերականի ժյուրիի կազմում:

Ժյուրին բաղկացած է 219 անդամից՝ համաշխարհային ֆուտբոլի լեգենդներ, մարզիչներ, լրագրողներ: Ռոբերտ Արզումանյանի հետ միասին քվեարկությանը մասնակցել են աշխարհի չեմպիոններ բրազիլացիներ Ռոմարիոն, Դունգան, գերմանացի Ֆիլիպ Լամը, Դիդի Համանը, Խավիեր Ձանետին եւ այլոք:

Քվեարկությանը մասնակցած նախկին ֆուտբոլիստները իրենց ազգային հավաքականների կազմում ընդհանուր հաշվարկով անցկացրել են 904 հանդիպում։ Յուրաքանչյուր փորձագետ քվեարկում է 40 ֆուտբոլիստի օգտին։

Լավագույն 100 ֆուտբոլիստների անունները կհրապարակվեն դեկտեմբերի 16-ից.
Դեկտեմբերի 16՝ 100-71 տեղերը,
Դեկտեմբերի 17՝ 70-41 տեղերը,
Դեկտեմբերի 18՝ 40-11 տեղերը,
Դեկտեմբերի 19՝ լավագույն 10-յակը:

Հայաստանի հավաքականի նախկին պաշտպան, Երեւանի «Ուրարտու» ակումբի գլխավոր մարզիչ Ռոբերտ Արզումանյանը ֆեսյբուքում գրառում է կատարել The Guardian պարբերականի ժյուրիի կազմում ընդգրկվելու առիթով:

«Պատիվ էր մասնակցել The Guardian պարբերականի կողմից անցկացվող 2025 թ. աշխարհի 100 լավագույն ֆուտբոլիստների ընտրության քվեարկությանը որպես փորձագետ։ The Guardian 100 Best Footballers in the World-ը աշխարհի լավագույն ֆուտբոլիստների ամենամյա վարկանիշն է, որը հրապարակվում է բրիտանական The Guardian պարբերականի կողմից»,- գրել է Ռոբերտ Արզումայնանը։