Շարլիզ Թերոնը 50 տարեկանում 25 տարեկանի տեսք ունի. Հոլիվուդյան աստղի կատարյալ մաշկի գաղտնիքը
Հիսունամյա Շարլիզ Թերոնը Ինստագրամում հրապարակել է մի շարք սելֆիներ, որոնցում նա իր տարիքից շատ ավելի երիտասարդ է թվում։ Նրա դեմքը կնճիռներ չունի, իսկ այտերն ու շրթունքները բնական տեսք ունեն՝ առանց ավելորդ ֆիլերների նշանների։
Դերասանուհին նախկինում Allure ամսագրին խոստովանել էր, որ ընդունում է ծերացման գործընթացը։ Սակայն նրա արտաքին տեսքը տպավորություն է թողնում, որ նա ընդհանրապես որևէ պլաստիկ վիրահատության չի ենթարկվել։
Daily Mail-ը զրուցել է պլաստիկ վիրաբույժ դոկտոր Խանի հետ՝ պարզելու, թե ինչպես է Շարլիզը պահպանել այդքան երիտասարդ տեսքը։
«Նա կնճիռներ չունի, ինչը չափազանց անսովոր է հիսուն տարեկան կնոջ համար։ Սովորաբար, այդ տարիքում աչքերի և բերանի շուրջ կնճիռներ են հայտնվում, գուցե նույնիսկ տարիքային բծեր, բայց Թերոնը դրանցից ոչ մեկը չունի»,-ասում է բժիշկը։
Նա հավելել է, որ դերասանուհին, հնարավոր է, օգտագործել է մաշկի երիտասարդացման ժամանակակից միջամտություն՝ HALO, որը հիբրիդային ֆրակցիոն լազեր է։
«Պրոցեդուրան արդյունավետորեն վերականգնում է մաշկի վերին շերտը և տաքացնում խորը հյուսվածքները՝ խթանելով կոլագենի արտադրությունը և բարելավելով մաշկի կառուցվածքը: Կնճիռները և արևի վնասը անհետանում են, և վերականգնումը շատ ավելի արագ է, քան ավանդական լազերների դեպքում»,-բացատրել է Խանը։
Բժիշկը նաև նշել է, որ Թերոնը, հավանաբար, օգտագործում է պեպտիդային շիճուկներ։
«Պեպտիդները ներկայումս մաշկի խնամքի ոլորտում ժողովրդականության գագաթնակետին են: Դրանք խթանում են կոլագենի և էլաստինի արտադրությունը, նվազեցնում կնճիռները և մաշկը դարձնում ավելի առաձգական: Ամինաթթուների այս փոքր շղթաները ունեն հակաբորբոքային ազդեցություն և պահպանում են մաշկի խոնավությունը»,-ավելացրել է նա։
Պեպտիդներից բացի, Թերոնը, հնարավոր է, օգտագործել է, այսպես կոչված, էկզոսոմներ՝ մաշկի երիտասարդացման համար նախատեսված առաջադեմ վերականգնողական տեխնոլոգիա: «Էկզոսոմները փոքրիկ բնական նանոմասնիկներ են, որոնք բջիջները արտազատում են որպես «սուրհանդակներ», որոնք փոխանցում են սպիտակուցներ, լիպիդներ և գենետիկական նյութ բջիջների միջև: Սա օգնում է հյուսվածքների վերականգնմանը և երիտասարդ մաշկի պահպանմանը»,-բացատրել է վիրաբույժը։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...