Սահմանամերձ գյուղերի բնակիչների գազի, հոսանքի ու ջրի վարձը մասնակի փոխհատուցելու համար հատկացվեց 112 մլն դրամ
Կառավարությունն իր այսօրվա նոյեմբերի 27-ի նիստում որոշեց 112 մլն 603 հազար դրամ հատկացնել ՀՀ սահմանամերձ համայնքների բնակիչ-բաժանորդների կողմից սպառած էլեկտրաէներգիայի, բնական գազի և ջրօգտագործողների կողմից օգտագործած ոռոգման ջրի սակագնի մասնակի փոխհատուցման, ինչպես նաև անշարժ գույքի հարկի փոխհատուցման նպատակով։
Հիմնավորման մեջ նշվում է, որ 2025 թվականի ՀՀ պետական բյուջեով որպես աջակցություն սահմանամերձ համայնքներին հատկացվել է 988 մլն 933 հազար դրամ, իսկ 2024 թվականին սույն միջոցառման համար փաստացի ծախսվել է 1 մլրդ 47 մլն 743 հազար դրամ, այսինքն՝ շուրջ 58.8 մլն դրամով ավելի, քան 2025 թվականին հատկացված գումարը։
Կատարված փաստացի ծախսերի վերլուծությունը ցույց է տալիս, որ մնացորդ գումարը չի բավարարելու միջոցառման ամբողջական կատարումն ապահովելու համար։
Մասնավորապես նախնական հաշվարկներով մինչև տարեվերջ անհրաժեշտ է.
- ՀՀ Արարատի մարզպետի աշխատակազմին հատկացնել 4 500.0 հազ. դրամ,
- ՀՀ Գեղարքունիքի մարզպետի աշխատակազմին հատկացնել 8,000.0 հազ. դրամ,
- ՀՀ Սյունիքի մարզպետի աշխատակազմին հատկացնել 26,305.0 հազ. դրամ,
- ՀՀ Վայոց ձորի մարզպետի աշխատակազմին հատկացնել 9,044.2 հազ. դրամ,
- ՀՀ Տավուշի մարզպետի աշխատակազմին հատկացնել 47,000.0 հազ. դրամ,
- ՀՀ ՏԿԵՆ Ջրային կոմիտեին հատկացնել 17,753.8 հազ. դրամ։
Արդյունքում միջոցառման ամբողջական կատարումն ապահովելու համար անհրաժեշտ է 112 մլն 603 հազար դրամ։
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Ջերմուկ համայնքին կվերադարձվի 0.3 հա մակերեսով հողամաս
Աբու Դաբիի նավթային ընկերության երկու նավեր հարձակման են ենթարկվել Հորմուզի նեղուցում
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Մեղրին՝ ԱՊՀ մշակութային մայրաքաղաք․ սեպտեմբերին համայնքում կմեկնարկի միջազգային կինոփառատոն
Առաջին անգամ Հայաստանում՝ «Համերգ տոտալ մթության մեջ»
ԵՄ-ն՝ Հայաստանի բարեփոխումների մասին․ առաջընթացին զուգահեռ դեռեւս խնդիրներ կան
Ի՞նչ միտումներ կան անշարժ գույքի շուկայում
Հայաստանն ու Ղազախստանը քննարկել են ագրոոլորտում համագործակցությունը