Ռուսաստանցի ֆիզիկոսի «պետական դավաճանության» համար 25 տարվա ազատազրկում են պահանջել
Մոսկվայի մարզային դատարանի դատախազները 25 տարվա ազատազրկում են պահանջել Նոգինսկից 34-ամյա ֆիզիկոս Արտյոմ Խորոշիլովի համար՝ «պետական դավաճանության», կարևորագույն ենթակառուցվածքների վրա հարձակման և դիվերսիայի նախապատրաստման մեղադրանքներով: Գիտնականն առաջին հինգ տարին կանցկացնի բանտում, իսկ մնացածը՝ խիստ ռեժիմի գաղութում, հաղորդում է «Медуза»»-ն:
Մեղադրանքի երրորդ մասը վերաբերում է դիվերսիայի նախապատրաստմանը: Գիտնականի բնակարանում հայտնաբերվել են սելիտրա, փայլաթիթեղ, բուխարու վառիչ և զորամասի մոտ գտնվող երկաթուղու լուսանկար: Խորոշիլովը բացատրել է, որ սելիտրան օգտագործել է տնկիների համար, իսկ լուսանկարն արել է երկաթուղին 2022 թվականի մայիսի 1-ին զբոսանքի ժամանակ՝ չիմանալով, որ այնտեղ զորամաս կա։
Մեղադրող Մադինա Դոլգիևան ընդգծել է. «Մեղադրյալ Խորոշիլովն ունի բարձրագույն կրթություն, գիտական աստիճան և [Մոսկվայի ֆիզիկայի և տեխնիկայի ինստիտուտից և Ռուսաստանի գիտությունների ակադեմիայի ընդհանուր ֆիզիկայի ինստիտուտից] դրական երաշխավորագրեր: Սակայն հենց այդ հանգամանքներն են սրում նրա մեղքը: Ունենալով բարձր մտավոր ներուժ՝ նա գիտակցաբար և նպատակասլաց կերպով իր գիտելիքներն ու հմտություններն ուղղորդել է սեփական երկրի անվտանգությունը վաճառելուն՝ գործելով ոչ թե անտեղյակությունից, այլ խոր և արմատացած հակապետական համոզմունքներից ելնելով»:
Խորոշիլովը ձերբակալվել է 2023 թվականի դեկտեմբերին: Մինչ այդ նա աշխատել է Ա.Մ. Պրոխորովի անվան ընդհանուր ֆիզիկայի ինստիտուտում և դասավանդել ֆիզիկա և մաթեմատիկա: Նրա հարազատներն ապրում են Ուկրաինայում:


















































Երևանում խուլիգանական վարք դրսևորելու կասկածանքով ձերբակալվել է լեհական ակումբի 17 երկրպագու
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Բեմ են դուրս գալիս «սոցիոլոգները»
Հենրիխ Մխիթարյան. Երևանի փողոցներից մինչև Չեմպիոնների լիգայի եզրափակիչ. Անկեղծ հարցազրույց (տեսանյու...
Բալիում սկանդալային պոռնոաստղին սպառնում է մինչև 15 տարվա ազատազրկում
Հայրն իր կյանքի գնով փրկել է խեղդվող որդուն
200.000 դոլար՝ միջնորդության և 23.000 դոլար՝ կառուցապատման թույլտվության համար. Աղազարյանի գործը դատ...
Ովքեր են «դուրս մնալու» ՔՊ ցուցակից
Շարլիզ Թերոնը 50 տարեկանում 25 տարեկանի տեսք ունի. Հոլիվուդյան աստղի կատարյալ մաշկի գաղտնիքը
Հայտնաբերվել է 1-ին տիպի շաքարախտի ամենավաղ ախտանիշը