Ցիտրուսային պտուղը լյարդի հիվանդությունների դեմ պայքարի նոր միջոց է ճանաչվել
Բերգամոտում պարունակվող պոլիֆենոլային միացությունները կարող են պաշտպանել լյարդը ավելորդ ճարպից և նյութափոխանակության խանգարումներից։ Այս եզրակացությանն է հանգել «Մագնա Գրեկիա» համալսարանի հետազոտողների թիմը։ Մկների վրա կատարված փորձի ընթացքում, որոնք ունեին նյութափոխանակության հետ կապված լյարդի ճարպային հիվանդություն (MASLD)՝ պայմանավորված հաճախակի կալորիական խորտիկներով, բերգամոտի մզվածքի ավելացումը նկատելիորեն իջեցրել է լյարդի ճարպային դեգեներացիան, ինչպես նաև տրիգլիցերիդների և գլյուկոզայի մակարդակները։ Հոդվածը հրապարակվել է «Nutrients» ամսագրում։
15 շաբաթ շարունակ մկներին կերակրել են «մարդկային» բարձր կալորիականությամբ դիետայով, որը հարուստ էր քաղցրով և ճարպով։ Կենդանիների մի մասի խմելու ջրին ավելացվել է բերգամոտի պոլիֆենոլային ֆրակցիան (BPF)։ Առանց այս հավելման, կրծողների մոտ ձևավորվել էր լյարդի արտահայտված ճարպային հիվանդություն. օրգանը մեծացել էր ավելի քան երկու անգամ, կտրուկ աճել էին ճարպի, գլյուկոզայի, տրիգլիցերիդների և խոլեստերինի ցուցանիշները։ Մկների այն խմբի մոտ, որոնք ստանում էին BPF, լյարդի զանգվածը, ճարպի բաժինը և բջիջներում ճարպային ներդրումների քանակը նվազել էին, իսկ արյան ցուցանիշները բարելավվել էին։
Հետազոտողները նաև հայտնաբերել են, որ բերգամոտի պոլիֆենոլները նվազեցնում են ճարպի սինթեզը և ակտիվացնում աուտոֆագիան՝ ներբջջային «մաքրման» գործընթացը, որն օգնում է հեռացնել ավելորդ լիպիդները և վնասված բաղադրիչները։ Մկների աղիքում վերականգնվել է կարճ շղթայական ճարպաթթուների, ներառյալ՝ բուտիրատի արտադրությունը, որը պաշտպանական դեր է խաղում նյութափոխանակության խանգարումների դեպքում։
Հեղինակները պարզաբանում են, որ արդյունքները դեռևս սահմանափակված են լաբորատոր կենդանիների մեկ գծով անցկացված փորձերով, հետևաբար մարդկանց համար դրանց օգտակարության մասին խոսելը դեռ վաղաժամ է. անհրաժեշտ են կլինիկական փորձարկումներ։
Պատմական հանդիպում՝ Սպիտակ տան Օվալաձև գրասենյակում․ հայ հոգևոր առաջնորդներն ու ԱՄՆ-ում ՀՀ դեսպանը ա...
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Ծաղկունքում հարյուրավոր գլուխ ոչխարներ են անկել
ՆԳՆ ոստիկանության գվարդիայի ծառայողները կանխել են հետագա զարգացումները
Սիրո անունը Հայաստան է
Նիագարան կլուսավորվի Հայաստանի Հանրապետության դրոշի գույներով, Օտտավայի քաղաքապետարանի առջև կծածանվի...
Երբ փորձում էինք փնտրել ուրիշ տեղ, զենքի մատակարարման շուկաները փակ էին մեզ համար
Մեկնարկում է բռնցքամարտի Եվրոպայի առաջնությունը․ Հայաստանն այսօր ունի 4 ներկայացուցիչ
Արհեստական բանականության միջազգային օլիմպիադայում հաջողությամբ հանդես եկած հայ դպրոցականները ներկայա...
«Արարատ-Արմենիան» 1։4 հաշվով պարտվեց Պրահայի «Սպարտային»