ՄԱԿ-ը Ձմեռային օլիմպիադա 2026-ին օլիմպիական զինադադարի հաստատման մասին բանաձև է ընդունել
ՄԱԿ-ի Գլխավոր ասամբլեան բանաձևէ ընդունել, որով կոչ է անում 2026 թվականի Միլանում և Կորտինա դ'Ամպեցոյում անցկացվելիք ձմեռային օլիմպիական խաղերի ամբողջ ընթացքում օլիմպիական զինադադար հաստատել։ «Խաղաղ և ավելի լավ աշխարհի կառուցում սպորտի և օլիմպիական իդեալների մարմնավորման միջոցով» վերնագրով բանաձևի նախագիծն ընդունվել է կոնսենսուսով։
«Մենք պետք է համատեղ աշխատենք սպորտը քաղաքականությունից տարանջատելու համար։ Դա նշանակում է, որ մարզիկները պետք է կարողանան ճանապարհորդել ընդունող երկրներ և մրցել, այլ ոչ թե բախվել քաղաքական դրդապատճառներով վիզաների մերժման արդյունքում տանը մնալու սպառնալիքին»,- քվեարկությունից առաջ հայտարարել է Միջազգային օլիմպիական կոմիտեի (ՄՕԿ) նախագահ Քիրստի Քովենթրին։
Փաստաթուղթը բաղկացած է ինը կետից, որոնցից առաջինը կոչ է անում պահպանել օլիմպիական զինադադարը Օլիմպիական խաղերի մեկնարկից յոթ օր առաջ մինչև Պարալիմպիկ խաղերի ավարտից հետո յոթ օր անց ընկած ժամանակահատվածում, ինչպես նաև ապահովել մարզիկների, պաշտոնյաների և բոլոր մյուս հավատարմագրված անձանց անվտանգ ուղևորությունը, մուտքը և մասնակցությունը։ Բացի դրանից, բանաձևը բոլոր անդամ պետություններին կոչ է անում համագործակցել Միջազգային օլիմպիական կոմիտեի և Միջազգային պարալիմպիկ կոմիտեի հետ՝ Օլիմպիական և պարալիմպիկ խաղերի ընթացքում և դրանից հետո սպորտը որպես հակամարտություններից տուժած տարածքներում խաղաղությունը, երկխոսությունը, հանդուրժողականությունը և հաշտեցումը խթանելու գործիք օգտագործելու նրանց ջանքերում։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԵՔՀ 8-րդ գագաթնաժողովի բացման արարողությունը Երևանում. ուղիղ