Հում հավի միսը լվանալը կարող է մահացու լինել մարդկանց համար
Հում հավի միսը լվանալը կարող է մահացու լինել մարդկանց համար, հաղորդում է 9news.com-ը՝ հղում անելով Ավստրալիայի Սննդի անվտանգության տեղեկատվության խորհրդի (FSIC) ներկայացուցիչներին։ «Անկախ նրանից, թե ինչ կարող եք լսել առցանց կամ տեսնել բլոգներում, հում հավի միս լվանալը միֆ է, որը միայն մանրէներ է տարածում խոհանոցում», - ասել է Խորհրդի փոխնախագահ, դոցենտ Ջուլիան Քոքսը:
Փորձագետը պատմել է, որ հավի մսի վրա կարող են մնալ ախտածին միկրոօրգանիզմներ, ներառյալ սալմոնելլան և աղիքային ցուպիկը։ Թռչնամիսը տնային խոհանոցում լվանալիս բակտերիաները «տարածվում» են բոլոր մակերեսներին, ինչը մեծացնում է մահացու թունավորումների ռիսկը։ Մասնագետները խորհուրդ են տալիս ձեռնպահ մնալ վտանգավոր սովորությունից, քանի որ արտադրություններում հավի միսն անցնում է անհրաժեշտ սանիտարական մշակում։ Տնային պայմաններում անհրաժեշտ է այն միայն ջերմային մշակման ենթարկել։
Փորձագետները հիշեցրել են հում հավի հետ շփվելուց հետո ձեռքերն ու մակերեսները մանրակրկիտ լվանալու անհրաժեշտության մասին։ Նրանք նաև խորհուրդ են տվել միսը հալեցնել միայն սառնարանում կամ միկրոալիքային վառարանում, թույլ չտալ դրա շփումը պատրաստի ուտեստների հետ, հատկապես նրանց, որոնք օգտագործելուց առաջ կրկնակի ջերմային մշակման չեն ենթարկվելու, ինչպես նաև օգտագործել առանձին տախտակներ և այլ սպասք՝ հում թռչնամիսը մասնատելու և պատրաստելու համար։
ՀՀ տարածքում Ադրբեջանի ԶՈՒ դիրք չի կառուցվել. ՊՆ մամուլի խոսնակ
Ցիկլոնի ներթափանցմամբ պայմանավորված տեղումներ, բուք կլինեն
Թրամփի կրտսեր որդուն առաջարկել են ուղարկել Իրան․ Bild
Սեյեդ Մոջթաբա Խամենեին պաշտոնապես ընտրվել է Իրանի գերագույն առաջնորդ. Fars
Մասնագիտական ուսուցումը կարող է ավելի գրավիչ դառնալ
Ինչո՞ւ է աղմկում Երևանը
Իրանը հայտարարել է, որ կհարվածի ցանկացած տարածքի, որտեղից ԱՄՆ-ն կհարձակվի իր վրա
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
«Հայաստանի էլեկտրական ցանցեր» ընկերությունը հաղորդագրություն է տարածել
Անչափահասների կողմից կատարված հանցագործություններ. 2025 թվական