Իսրայելի և Իրանի միջև զինված հակամարտությունը կարող է անխուսափելի դառնալ. NYT

Իսրայելի և Իրանի միջև զինված հակամարտությունը կարող է անխուսափելի դառնալ, հաղորդում է The New York Times-ը՝ հղում անելով պաշտոնյաներին և վերլուծաբաններին։

Իրանի միջուկային ծրագիրը զսպելու համար նախատեսված 2015 թվականի համաձայնագրի ժամկետը լրացել է անցյալ ամիս, ինչի հետևանքով Իրանը ենթարկվել է խիստ պատժամիջոցների, իսկ միջուկային բանակցությունները փակուղի են մտել, գրում է թերթը։

Թեհրանը պնդում է, որ հարուստ ուրանի պաշարները ոչնչացվել են, մինչդեռ իսրայելցի պաշտոնյաները կարծում են, որ դրանք տեղափոխվել են անվտանգ վայր։

Թերթի տվյալներով՝ Պարսից ծոցի երկրներում շատերn Իսրայելի կողմից Իրանի վրա ևս մեկ հարձակման հնարավորությունը համարում են գործնականում անխուսափելի՝ հաշվի առնելով Իսրայելի իշխանությունների այն տեսակետը, որ Իրանի միջուկային ծրագիրը լուրջ սպառնալիք է ներկայացնում։

Իրանի հարցով միջազգային ճգնաժամային խմբի նախագծի ղեկավար Ալի Վաեզը պնդում է, որ իրանցի պաշտոնյաները պնդում են, որ երկրի հրթիռային գործարանները աշխատում են շուրջօրյա:

«Նրանք հույս ունեն միաժամանակ արձակել 2000 հրթիռ՝ Իսրայելի պաշտպանությունը խախտելու համար, այլ ոչ թե 500-ը, որոնք արձակել էին 12 օրում», — հավելել է Վաեզը: