«Բարսելոնայում» որոշել են ուշադիր հետևել Յամալի վարքագծին

Եզրային հարձակվող Լամին Յամալը «Էլ Կլասիկոյից» առաջ մի քանի սուր հայտարարություններ էր արել «Ռեալի» մասին, գրում է ArmSport.am-ը։

«Բարսելոնայում» ընդունում են, որ Յամալի խոսքերն ազդել են մրցակցի տրամադրվածության վրա։ Ակումբի խորհրդի անդամները տեղեկություն են ստացել, որ «Ռեալի» խաղացողները մտադրվել էին կոշտ խաղ ցուցադրել Յամալի դեմ։

Իսպանական Sport-ի փոխանցմամբ՝ «Բարսելոնան» և խաղացողի գործակալ Ժորժե Մենդեշը որոշել են ավելի ուշադիր հետևել Յամալի վարքագծին՝ ապագայում նման սխալներից խուսափելու համար։

«Կապտանռնագույնները» և գործակալը ցանկանում են պաշտպանել 18-ամյա Յամալին և օգնել նրան վերականգնել լավագույն մարզավիճակը։ Ներկայում «Բարսելոնայի» առաջնահերթ խնդիրներից է Յամալի օպտիմալ ֆիզիկական վիճակի վերականգնումը։

Հիշեցնենք, որ «Բարսելոնան» պարտվել է «Ռեալին» 1:2 հաշվով։