Բրիտանական թագավորական ընտանիքը մեծ ջանքեր է գործադրել, որպեսզի ճաշկերույթը անմոռանալի տպավորություն թողնի Դոնալդ Թրամփի վրա։
Խնջույքը տեղի է ունեցել Վինձորի ամրոցի Սուրբ Գևորգի դահլիճում: Ներքին հարդարանքը հիշեցնում էր ինչպես միջնադարյան խնջույքներ, այնպես էլ Հարրի Փոթերի մասին ֆիլմեր:
Անձնակազմի հագին եղել են նրբագեղ համազգեստներ, նրանք նույնքան կարգապահ են եղել, որքան խնջույքից մեկ օր առաջ շքերթի ժամանակ հավաքված զինվորները: Սպասքի պարագաները մանրակրկիտ դասավորված են եղել միլիմետրերի ճշգրտությամբ: Ընդհանուր առմամբ 160 հյուրերի համար օգտագործվել է 1452 սպասքի պարագաներ: Գումարած հինգ բաժակ և յուրաքանչյուր հյուրի համար նախատեսված գինու գավաթներ:
Թրամփի այցի պատվին կազմակերպված ճաշկերույթի հյուրերին հյուրասիրել են ֆրանսերենով կազմված ճաշացանկի ուտեստներով։
Հեմփշիրյան կոտեմով Պաննա կոտտա՝ պարմեզանով թխվածքաբլիթով և լորի ձվի աղցանով։
Նորֆոլքյան հավի բալոտին՝ կծու համով դդմիկներով և ուրցի թուրմից պատրաստված սոուսով։
Վանիլային պաղպաղակ՝ քենթական ազնվամորու սորբետի և թեթևակի եփած «Վիկտորիա» սալորների միջուկով։
Հյուրերին առաջարկվել է գինիների հիանալի ընտրանի՝ Wiston Estate, Cuvée 2016, Domaine Bonneau de Martray, Corton-Charlemagne, Grand Cru 2018, Ridge Vineyards, Monte Bello, 2000, Pol Roger, Extra Cuvée de Réserve, 1998։
Դիժեստիվների՝ ճաշից հետո մատուցվող ըմպելիքների ցանկը, լի է եղել սիմվոլիզմով։ Այնտեղ եղել է 1945 թվականի պորտվեյն՝ ի պատիվ Թրամփի՝ որպես ԱՄՆ 45-րդ նախագահի։ Չնայած Թրամփն ընդհանրապես չի խմում։
Եղել է նաև 1912 թվականի կոնյակ։ 1912 թվականին Շոտլանդիայի Լյուիս կղզու մի գյուղում ծնվել է Դոնալդ Թրամփի մայրը՝ Մերի Էնն ՄաքԼեոդը։
Եվ այս բոլոր խորհրդանշանների բազմությունից բացի, կար նաև «Անդրատլանտյան» կոկտեյլ՝ հիմնված Johnnie Walker վիսկիի վրա, որին մատուցվում էր թխվածքաբլիթ՝ պեկան ընկույզով կրեմով և բրիտանական մարշմելոու զեֆիրով։
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար