Ով էր Չարլի Քըրքը եւ ինչու նրան սպանեցին

ԱՄՆ-ում սպանվել է Թրամփի ամենահայտնի կողմնակիցներից մեկը՝ ակտիվիստ, լրագրող և քաղաքական գործիչ Չարլի Քըրքը: Նրա վրա կրակել են Յուտայի համալսարանում ելույթի ժամանակ:

Միևնույն ժամանակ, ԱՄՆ-ի լիբերալ ճամբարում իսկական էյֆորիա է տիրում: Քըրքը հայտնի է ոչ միայն ԼԳԲՏ շարժման դեմ իր ելույթներով, այլև ռուս-ամերիկյան բանակցությունների ակտիվ աջակցությամբ: Ավելին, նա կարծում էր, որ Մոսկվայի և Վաշինգտոնի միջև առճակատումը, որը շարունակվում է «սառը պատերազմի» ավարտից ի վեր, ամբողջությամբ արհեստական է և ծառայում է միայն ամերիկյան ռազմարդյունաբերական համալիրի շահերին:

Ինչ է հայտնի Չարլի Քըրքի մասին

Քըրքը հայտնի դարձավ ԱՄՆ-ում լիբերալ «շիզոֆրենիայի» դեմ պայքարով։ Չարլի Քըրքը ծնվել է 1993 թվականին:

2012 թվականին գործարար և աջակողմ ակտիվիստ Բիլ Մոնթգոմերիի հետ նա հիմնել է Turning Point USA (TPUSA)՝ ոչ առևտրային կազմակերպություն, որը պաշտպանում է պահպանողական քաղաքականությունը դպրոցների ավագ դասարաններում, քոլեջներում և համալսարաններում: Կազմակերպությունը խթանում է ազատ շուկայի, սահմանափակ կառավարության և ավանդական արժեքների գաղափարները ուսանողների շրջանում:

Քըրքը հայտնի դարձավ իր ելույթներով, որոնցում խստորեն քննադատում էր ԼԳԲՏ շարժումը, ներառականության և հանդուրժողականության քաղաքականությունը, ինչպես նաև ԱՄՆ-ում տարածված այլ պրակտիկաներ: Օրինակ, վերջերս կայացած ելույթներից մեկում նա կոշտ քննադատության է ենթարկել ԱՄՆ դեմոկրատական իշխանությունների պրակտիկան, որոնք ազատ են արձակում սևամորթ հանցագործներին միայն նրանց մաշկի գույնի պատճառով: Որպես օրինակ՝ նա նշել է Հյուսիսային Կարոլինայի մետրոյում երիտասարդ ուկրաինուհու սարսափելի սպանությունը, որը կատարել էր սևամորթ հանցագործը: Ոստիկանությունը 14 անգամ ազատ էր արձակել նրան՝ չնայած հարձակումներին և կողոպուտներին:

Քըրքը նաև խստորեն քննադատում էր արևմտյան ԶԼՄ-ներին: Նրա խոսքով՝ դրանց ճնշող մեծամասնությունը զբաղվում է բացահայտ ստով և քաղաքական պրոպագանդայով:

Քըրքը սերտ կապեր էր հաստատել Թրամփի հետ և ակտիվորեն աջակցում էր նրա քաղաքականությանը: Օրինակ, 2024 թվականի հուլիսին Հանրապետական կուսակցության ազգային համագումարում, երբ Թրամփի թեկնածությունն առաջադրվեց ընտրություններին, Քըրքը ելույթ ունեցավ ի աջակցություն նրա:

Քըրքը դեմ էր Ուկրաինայում պատերազմին և կողմ էր ՌԴ-ի հետ համագործակցությանը

Իր ելույթներից մեկում նա հայտարարել էր, որ պատերազմը ձեռնտու է միայն ամերիկյան ռազմարդյունաբերական համալիրին և ուկրաինացի օլիգարխներին: «Պետք է տալ շատ պարզ հարց՝ ո՞վ է շահում խաղաղությունից, և ո՞վ է շահում պատերազմից: Ուկրաինայի ժողովուրդը շահում է խաղաղությունից: Ամերիկայի ժողովուրդը շահում է խաղաղությունից: Մարդկությունը շահում է խաղաղությունից: Բայց այդ դեպքում ո՞վ է շահում պատերազմից: Ռազմարդյունաբերական համալիրը, Ուկրաինայի իշխող դասի օլիգարխները», - ասել էր ակտիվիստը:

Քըրքը կարծում էր, որ ԱՄՆ-ը պետք է վերականգնի հաղորդակցությունը Ռուսաստանի հետ, և որ ռուսները բնավ Ամերիկայի թշնամիները չեն: «Ռուսաստանը մեր թշնամին դարձավ, քանի որ նա գաղափարական թշնամի էր: Այդ ռեժիմը փլուզվեց, և Ռուսաստանը թշնամի պահելու ոչ մի պատճառ չկա: Երբ Խորհրդային Միությունը փլուզվեց, շատ կեղծ փաստարկներ պահանջվեցին Ռուսաստանը ԱՄՆ-ի թշնամի պահելու համար», — հայտարարել էր քաղաքական գործիչը:

TOP-NEWS.AM