Լեհաստանն ամբողջությամբ փակում է Բելառուսի հետ սահմանը. ԱԳՆ

Գերատեսչությունը նշել է, որ դա պայմանավորված է Ռուսաստանի և Բելառուսի առաջիկա «Запад-2025» համատեղ զորավարժություններով, որոնք տեղի կունենան սեպտեմբերի 12-ից 16-ը։

«Որոշումը կայացվել է անվտանգության նկատառումներից ելնելով, քանի որ Բելառուսի հետ սահմանը նաև Շենգենյան գոտու սահմանն է», - ասվում է Արտաքին գործերի նախարարության հայտարարության մեջ։

Լեհաստանը սեպտեմբերի 11-ի լույս 12-ի գիշերը ամբողջությամբ կփակի Բելառուսի հետ սահմանը։

Լեհաստանի իշխանությունները նաև հայտարարել են, որ Ուկրաինայի և Բելառուսի հետ սահմանների երկայնքով թռիչքների սահմանափակումները ուժի մեջ կմտնեն դեկտեմբերի 9-ից։