Ավստրիայում նյարդավիրաբույժը թույլ է տվել իր 12-ամյա դստերը շաղափիչով անցք բացել հիվանդի գանգի մեջ

Մեղադրող կողմը հայտնել է, որ 2024 թվականի հունվարին բժշկուհին թույլ է տվել իր 12-ամյա դստերը անցք բացել հիվանդի գանգի վրա։ Այժմ նա և նրա գործընկերը, որը նույնպես մասնակցել է վիրահատությանը, մեղադրվում են մարմնական վնասվածք հասցնելու համար։

Հիվանդը՝ 33-ամյա ֆերմեր Գրեգոր Պ.-ն, գլխի վնասվածք էր ստացել ծառի ընկնելուց հետո: Նրա գանգի ներսի ճնշումը չափելու համար անհրաժեշտ էր փոքրիկ անցք բացել՝ սենսոր տեղադրելու համար:

Հետաքննիչների խոսքով՝ վիրաբույժի դուստրը, նրա թույլտվությամբ, գանգի բաց հատվածին կիրառել է բժշկական հորատ և մոտ 15 միլիմետր տրամագծով անցք բացել։

Կլինիկայի մի քանի աշխատակիցների խոսքով՝ վիրահատությունից հետո աղջկա մայրը պարծենում էր, որ իր դուստրը «հենց նոր էր արել իր գանգի վրա առաջին անցքը»։ BILD-ի փոխանցմամբ՝ վիրահատությունը կատարած բուժքույրը և մեկ այլ վիրաբույժ նույնպես խոստովանել են, որ բարդ վիրահատությանը մասնակցել է մի երեխա։ 

Մեղադրյալները հերքում են իրենց մեղքը։ Նյարդավիրաբույժը ժամանակավորապես հեռացվել է աշխատանքից. նա դատարանում ցուցմունք կտա այս աշնանը։ Տուժողի փաստաբան Պետեր Ֆրայբերգերի խոսքով՝ հիվանդը ցանկանում է բժշկից ստանալ 20,000 եվրո՝ որպես բարոյական վնասի փոխհատուցում։