«Ես կանխատեսում եմ, որ համեմատաբար շուտով մենք կտեսնենք Լիբանանում և նույնիսկ Սիրիայում իրավիճակի կարգավորման ներուժը։ Նրանց կողմից եղավ ուժեղ դրական արձագանք։ Սա կարող է պատահել նաև Լիբիայի հետ։ Դա կարող է պատահել, և ես խոսում եմ Աբրահամի համաձայնագրերին միացող երկրների մասին, դա կարող է պատահել Ադրբեջանի և Հայաստանի հետ, որտեղ մենք կարծում ենք, որ շատ, շատ մոտ ենք այդ երկրներում հակամարտությունների լուծմանը՝ վերջնականապես լուծելուն։ Ես կարծում եմ, որ երկուսն էլ կարող են ցանկանալ միանալ Աբրահամի համաձայնագրերին», - ասել է Ուիտկոֆը։
ԱՄՆ հատուկ ներկայացուցչի խոսքով՝ սա շատ կարևոր նախաձեռնություն է երկրի նախագահ Դոնալդ Թրամփի համար, և նա «հավատում է դրան»։
«Սա նպաստում է տարածաշրջանում խաղաղությանն ու կայունությանը որպես ամբողջություն։ Մենք այստեղ ենք, և ես ունեմ շատ, շատ լավ թիմ։ Մենք շատ լավ գործընկերություն ունենք Պետդեպարտամենտի հետ, ինչը թույլ է տալիս մեզ անհրաժեշտության դեպքում մեր որոշ զրույցների համար ներգրավել տաղանդավոր անհատների։ Ես իսկապես վստահ եմ, որ հաջորդ մի քանի ամիսների ընթացքում չորս կամ հինգ, գուցե վեց երկիր կստորագրի Աբրահամի համաձայնագրերը, և դա կարևոր ազդանշան կուղարկի աշխարհին նախագահ Թրամփի արտաքին քաղաքականության նախաձեռնությունների մասին՝ ամբողջ աշխարհում խաղաղությունն ու կայունությունը խթանելու համար», - եզրափակել է Ուիտկոֆը։
Աբրահամի համաձայնագրերը ԱՄՆ-ի միջնորդությամբ Իսրայելի և մի շարք արաբական պետությունների միջև 2020-2021 թվականներին կնքված համաձայնագրերի շարք են։ Համաձայնագրի անվանումը գալիս է Աբրահամ մարգարեից, որի անունը հանդիպում է հուդայականության, քրիստոնեության և իսլամի մեջ։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
Վթարային ջրանջատում Երևանի Էրեբունի վարչական շրջանում
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Ոչնչացվել է Nestle ընկերության NAN ապրանքանիշի մանկական սննդի որոշ խմբաքանակ. ՍԱՏՄ
Կասեցվել է Արդենիս գյուղում գործող կաթնամթերքի արտադրամասի գործունեությունը․ ՍԱՏՄ
Ոստիկանները ձերբակալել են սպանության փորձի մեջ կասկածվող երեք անձի
2026 թվականի 2-րդ քննաշրջանի դրսեկության ձևով (էքստեռն) ավարտական քննություններ․ դիմումներն ընդունվո...