Պարզվել է՝ 83 արկղերը Տոկիոյում Գերմանիայի դեսպանատնից Արգենտինա են ուղարկվել 1941 թվականի հունիսին՝ ճապոնական «Նան-ա-Մարու» շոգենավով, ըստ պատմության, որը հաջողվել է ի մի բերել, ասված է դատարանի հայտարարությունում։
Այդ ժամանակ մեծ բեռը գրավել է իշխանությունների ուշադրությունը, որոնք վախենում էին, թե դրա պարունակությունը կարող է ազդել պատերազմում Արգենտինայի չեզոքության վրա։
Չնայած Գերմանիայի դիվանագիտական ներկայացուցիչների պնդումներին, որ արկղերը պարունակում էին անձնական իրեր, Արգենտինայի մաքսային մարմինները պատահական սկզբունքով խուզարկել են հինգ արկղ։
Նրանք գտել են նացիստական ռեժիմի բացիկներ, լուսանկարներ և քարոզչական նյութեր, ինչպես նաև Նացիստական կուսակցությանը պատկանող հազարավոր տետրեր։ Դաշնային դատավորն առգրավել է նյութերը և գործն ուղարկել Գերագույն դատարան։
Դեռևս հայտնի չէ, թե ինչու են այս իրերն ուղարկվել Արգենտինա և ինչ քայլեր է ձեռնարկել Գերագույն դատարանը։
Դատարանն այժմ արկղերը տեղափոխել է լրացուցիչ անվտանգության միջոցներով հագեցած հաստատություն և Բուենոս Այրեսի Հոլոքոստի թանգարանին հրավիրել է մասնակցելու դրանց պահպանմանը և գույքագրմանը։
Մասնագետները դրանք կուսումնասիրեն նաև Հոլոքոստի՝ նախկինում անհայտ կողմերի վերաբերյալ ցանկացած հետք գտնելու համար, մասնավորապես՝ նացիստների օգտագործած միջազգային ֆինանսական ցանցերը։
Երկրորդ համաշխարհային պատերազմում Արգենտինան չեզոքություն էր պահպանել մինչև 1944 թվականը, երբ խզել է հարաբերությունները Առանցքի տերությունների հետ։ 1945-ին հարավամերիկյան երկիրը պատերազմ է հայտարարել Գերմանիային և Ճապոնիային։
Հոլոքոստի թանգարանի տվյալներով՝ 1933-1954 թվականների միջև ընկած ժամանակահատվածում 40 հազար հրեաներ են մուտք գործել Արգենտինա՝ Եվրոպայում նացիստական հալածանքներից խուսափելու համար։ Արգենտինայում ապրում է Լատինական Ամերիկայի ամենամեծ հրեական համայնքը։
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ