Պարբերականի տվյալներով՝ իրեն տրամադրվել են Կիևի հինգ կետանոց պահանջների փաթեթի մանրամասները, «ինչը ենթադրում է, որ դեռևս լուրջ տարաձայնություններ կան այս շաբաթ ի հայտ եկած ԱՄՆ յոթ կետանոց ծրագրի հետ»։
«Պահանջների հիմքում ընկած է այն պնդումը, որ 2014 թվականին Կրեմլի առաջնորդ Վլադիմիր Պուտինի բռնակցած Ղրիմը՝ ուկրաինական հող է և պաշտոնապես չի ճանաչվի որպես ռուսական տարածք»,-ասված է The Telegraph-ի հոդվածում։
Ուկրաինայի պահանջների մանրամասներն ուրվագծվել են հինգ կետից բաղկացած ծրագրում, որն, ըստ Ուկրաինայի նախագահ Վլադիմիր Զելենսկիի, արդեն Թրամփի սեղանին է։
Ուկրաինայի նախագահն արդեն խոսել է այդ ծրագրի մասին Հարավային Աֆրիկայում անցկացված մամուլի ասուլիսում։
«ԱՄՆ առաջարկից հետո հայտնվեցին այլ փաստաթղթեր, և ես կարծում եմ, որ այսօր այս ձևաչափով, այս փաստաթուղթը գտնվում է նախագահ Թրամփի սեղանին։ Այն ամենը, ինչ հակասում է մեր արժեքներին կամ մեր սահմանադրությանը, չի կարող դառնալ որևէ համաձայնագրի մաս», - հայտարարել է Զելենսկին։
Ըստ The Telegraph-ի՝ պահանջների դոսյեից հստակ երևում է, որ Ուկրաինան հույս ունի փաստացի զրկել Ռուսաստանի ինքնիշխանությունը Ղրիմի և այլ օկուպացված տարածքների նկատմամբ ցանկացած պաշտոնական միջազգային ճանաչումից։
Առաջին և երկրորդ կետերը կենտրոնանում են ցանկացած խաղաղության համաձայնագիր «միջազգային իրավունքի, այլ ոչ թե կապիտուլյացիայի վրա հիմնված» ձևակերպման վրա՝ Չինաստանի՝ Թայվանի վրա հնարավոր ներխուժման մասին հատուկ նախազգուշացմամբ։
«Նրանք նաև ընդգծում են հստակ «անվտանգության երաշխիքների» կարևորությունը՝ որպես ցանկացած հեռանկարային խաղաղության համաձայնագրի գին, որի շրջանակում Ուկրաինան տարածքներ է զիջում Ռուսաստանին, թեկուզ ժամանակավորապես»,-բացահայտել են լրագրողները։
Երրորդ կետը «բանակցային գործընթացի վերահսկողությունը Թրամփից խլելու և Ուկրաինան խաղաղության գործընթացի կենտրոն վերադարձնելու փորձ է»։
Չորրորդ կետը ծառայում է որպես նախազգուշացում թե՛ ԱՄՆ-ի, թե՛ ՆԱՏՕ-ի համար, որ Ռուսաստանին Ղրիմը վերահսկելու թույլտվություն տալը հնարավորություն է տալիս նրան սպառնալ ոչ միայն Ուկրաինայի, այլև իր սևծովյան դաշնակիցների՝ Թուրքիայի, Ռումինիայի և Բուլղարիայի վրա հարձակումներով։
Հինգերորդ և վերջին կետը հստակեցնում է, որ Ռուսաստանին չպետք է թույլատրվի օգտագործել գործարքը՝ Ուկրաինայի զինված ուժերի կամ նրա պաշտպանական արդյունաբերական բազայի չափը սահմանափակելու համար։
Այս շաբաթ ԱՄՆ-ը հրապարակեց իր ծրագիրը, մասնավորապես՝ հրադադարի և, ավելի լայն իմաստով, պատերազմի դադարեցման վերաբերյալ։
Ըստ այդ փաստաթղթի՝ Միացյալ Նահանգներն արդեն փաստացի պաշտոնապես հայտարարել է, որ կողմ է Ուկրաինայի պատերազմի սառեցմանը գրեթե ներկայիս առաջնագծում։
Վաշինգտոնի ծրագիրը պարունակում է նաև առաջարկներ՝ ճանաչելու Ղրիմը որպես ռուսական և ճանաչելու ագրեսորի կողմից գրավված այլ տարածքների օկուպացիան։
Այդ ծրագիրն Ուկրաինան անմիջապես մերժեց։ Ուկրաինան չի լքի օկուպացված տարածքները և չի ճանաչի դրանք որպես Ռուսաստանի Դաշնության մաս, հայտարարել է նախագահ Վլադիմիր Զելենսկին։
Ռուսներն առաջիկա ամիսներին Ուկրաինայի ջրամատակարարման համակարգերի դեմ գործողություն են նախապատրաստում․ Զելենսկի
Եթե դուք չեք ծառայում պետությանը խորհրդարանում, ապա ծառայեք պետությանը ռազմաճակատում. Զելենսկի
Ուկրաինա-Ռուսաստան-ԱՄՆ պատվիրակությունների հաջորդ հանդիպումը տեղի կունենա ԱՄԷ-ում՝ մարտի սկզբին․ Զելենսկի
Զելենսկին նվաստացրել է Գերմանիայի արտգործնախարարին
Պուտինն արդեն սկսել է Երրորդ համաշխարհային պատերազմը. Զելենսկի
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Թբիլիսիում քննարկել են երաժիշտների իրավունքները, աշխատանքային պայմանները և մշակութային քաղաքականությ...
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Փարիզի Սամուելյանի Արևելյան գրախանութի աճուրդի հանված արժեքավոր որոշ գրքեր արդեն Հայաստանում են
Երևանը միանում է «Երկրի ժամ» համաշխարհային բնապահպանական նախաձեռնությանը
Իրանում պատերազմը Հնդկաստանին կանգնեցրել է գազային ճգնաժամի առաջ
Քեզ ասում են՝ չե՞ս ուզում կռվել այս պայմաններով, ուրեմն մեկ տարի առանց մենամարտերի կնստես