Քննարկվել է արցախահայության վերադարձի իրավունքին վերաբերող Շվեյցարիայի խորհրդարանի որոշումը
Նախորդ շաբաթ գումարված «Եվրոպացիները հանուն Արցախի» հարթակի նիստում քննարկվել է Շվեյցարիայի Դաշնային ժողովի վերին պալատի՝ Կանտոնների խորհրդի, «Խաղաղության ֆորում Լեռնային Ղարաբաղի համար․ հնարավորություն տալ հայերի վերադարձին» որոշումը: Շվեյցարիայի հայ համայնքի ներկայացուցիչ Սարգիս Շահինյանը մանրամասնել է որոշման գործընթացը։ Նկատի ունենալով, որ այս որոշումը պարտավորեցնում է Շվեյցարիայի կառավարությանը մեկ տարվա ընթացքում գումարել Ադրբեջանի և արցախահայության ներկայացուցիչների միջև միջազգային ֆորում՝ միջազգային անվտանգության երաշխիքների ներքո խթանելու արցախահայության վերադարձի իրավունքը՝ Շահինյանը ներկայացրեց հավանական գործընթացի կարելիությունները։
Այնուհետեւ Արցախի Մարդու իրավունքների պաշտպան Գեղամ Ստեփանյանը ներկայացրել է արցախահայերի վերջին օրերի նախաձեռնությունները, Արցախի ժողովրդի հավաքական հայրենադարձության և հիմնարար այլ իրավունքների պաշտպանության նպատակին կոչված հանձնախմբի աշխատանքները։
Հարթակի անդամները որոշել են առաջիկայում իրենց համայնքներում նախաձեռնել միջոցառումներ։
Վերոնրշյալ նիստում «Եվրոպացիները հանուն Արցախի» հարթակը որոշել է նաեւ բաղոքի նամակ հղել Վատիկանի Գրեգորյան համալսարանի տնօրինությանը՝ ապրիլի 10ին Սուրբ Աթոռում Ադրբեջանի դեսպանության և ադրբեջանական որոշ կազմակերպությունների նախաձեռնությամբ կազմակերպած «Քրիստոնեությունը Ադրբեջանում. պատմություն և արդի ժամանակներ» վերտառությամբ միջոցառման նախաձեռման համար, որտեղ ջանք է թափվել ամբողջապես ժխտել հայկական քրիստոնեական ներկայությունն Արցախում։
Որոշվել է յուրաքանչյուր համայնք նույնաբովանդակ բողոք-նամակ հղի Վատիկան՝ պահանջելով արդարության և իրականությանը համապատասխան հայտարարություն։
Տեղեկացնենք՝ Վատիկանի Գրեգորյան համալսարանի տնօրինությանը բողոքի նամակ է հղել նաեւ ՀՅԴ Եվրոպայի Հայ դատի գրասենյակի նախագահ Գասպար Կարապետյանը։ Վերջինս դատապարտել է համալսարանի կողմից նման հակագիտական միջոցառման հյուրընկալումը, ներկայացրել է Ադրբեջանում պետական քաղաքականության մակարդակի բարձրացված պատմական ու մշակութային զեղծարարությունը: Հայ դատի գրասենյակի նախագահը համալսարանի տնօրինությունից պահանջել է անմիջապես և հրապարակայնորեն դատապարտել Ադրբեջանի կառավարության քայլերը՝ ուղղված պատմությունը վերաշարադրելուն, հայկական մշակութային և կրոնական ժառանգությունը ջնջելուն և պատմական խեղաթյուրումը որպես էթնիկ և մշակութային ոչնչացման գործիք օգտագործելուն, ինչպես նաև խզել բոլոր կապերն ու համագործակցությունները ադրբեջանական կառույցների հետ:
ՀՅԴ Բյուրոյի Հայ դատի կենտրոնական գրասենյակ
15 ապրիլ 2025թ․
Չորս մարդ փորձել է հատել թուրք-հայկական սահմանը, մեկին քշել է գետը
Իրանի դեսպանություն. Հայաստանի հետ վարժանքների նպատակը հնարավոր սպառնալիքներին հակազդելու նախապատրաս...
Ինչ է պատասխանել Վազգեն Սարգսյանը, երբ գեներալը Տեր-Պետրոսյանի տանը առաջարկել է նրան նշանակել ՊՆ
7.3 միլիարդ դրամով կցրեն Կառավարության դիմացի բողոքի ակցիաները
Վրանի ապամոնտաժում` մեկ ամիս ավել բնակվարձի դիմաց. իշխանությունը վախեցած է արցախցիների պայքարից
ԵՄ նախաձեռնությամբ Բեռլինը Կիևին կտրամադրի 500 հազար արկ
Գիտնականները նշել են, թե ինչ է տեղի ունենում մարդու հետ կյանքի վերջին ակնթարթներին
Ոմանք սկսել են Վիկիլիքսն ուսումնասիրել, դա լավ է, վստահ եմ՝ այնտեղ դեռ շատ բան կա, որ պետք է նաև մեր...
Գաղտնի հանդիպումներ կառավարությունում
Ղրղզստանը ՌԴ-ին բողոքի նոտա է հանձնել հանրային բաղնիքում տեղի ունեցած միջադեպի պատճառով