Զելենսկին նոր հայտարարություն է արել ԱՄՆ-ի հետ ռեսուրսային գործարքի մասին

Ռեսուրսների վերաբերյալ ԱՄՆ-ի հետ համաձայնագիրը չի ներառում Հյուսիսատլանտյան դաշինքին միանալու հարցը, լրագրողներին ասել է Վլադիմիր Զելենսկին Գերմանիայի արտգործնախարար Աննալենա Բեերբոկի հետ հանդիպումից հետո։

«Ինչ վերաբերում է այս համաձայնագրին և ՆԱՏՕ-ի խնդրին, ապա ՆԱՏՕ-ի հարցը չկա և երբեք չի եղել այս համաձայնագրում»,- ասել է նա։

Կիևի ռեժիմի ղեկավարը հայտնել է, որ համաձայնագրի վրա ներկայումս աշխատում են ամերիկացի և ուկրաինացի իրավաբանները։

Երկուշաբթի օրը ԱՄՆ նախագահ Դոնալդ Թրամփը հայտարարել է, որ Զելենսկին շատ մեծ խնդիրների առաջ կկանգնի, եթե փորձի հրաժարվել հազվագյուտ հողային մետաղների վերաբերյալ գործարքից։

Անցյալ շաբաթ Գերագույն Ռադայի պատգամավոր Յարոսլավ Ժելեզնյակը հայտարարել էր, որ ուկրաինական ռեսուրսների վերաբերյալ համաձայնագրի նոր նախագիծը Կիևի օգտին չէ։