USAID-ի աշխատակիցները անհնազանդություն են ցուցաբերել

Թրամփի վարչակազմը ԱՄՆ Միջազգային զարգացման գործակալության (USAID) անվտանգության երկու բարձրաստիճան պաշտոնյաներ ուղարկել է վարչական արձակուրդի այն բանից հետո, երբ նրանք հրաժարվել են գաղտնի տեղեկատվություն տրամադրել Իլոն Մասկի կառավարության արդյունավետության գրասենյակին (DOGE): Այս մասին հայտնում է Associated Press-ը՝ հղում անելով աղբյուրներին։
Նրանց տեղեկությունների համաձայն՝ «DOGE»-ի աշխատակիցները, ի վերջո, մուտք են գործել իրենց հետաքրքրող փաստաթղթերի բազա, որոնք ներառում էին հետախուզական հաշվետվություններ: ԱՄՆ «USAID»-ի անվտանգության տնօրեն Ջոն Վորհիսը և նրա տեղակալ Բրայան ՄաքԳիլը ուղարկվել են վարչական արձակուրդի։