Հուսով ենք, որ ռուսական կողմը հաշվի կառնի տեղի ունեցողի բոլոր ասպեկտները՝ խուսափելով միակողմանի մեկնաբանություններից. Արարատ Միրզոյան
«Կարծում եմ, որ իմ այցը միանգամայն տեղին է մեր երկկողմ հարաբերությունների զարգացման դինամիկայի լույսի ներքո», - Մոսկվայում իր ռուս գործընկեր Սերգեյ Լավրովի հետ բանակցությունների ժամանակ ասել է Հայաստանի արտգործնախարար Արարատ Միրզոյանը։
Նա հիշեցրել է, որ այս ձևաչափով վերջին հանդիպումը կայացել է 2023 թվականի հուլիսին։
«Կարծում եմ, որ այս այցը լավ հնարավորություն է՝ քննարկելու երկկողմ համագործակցության հարցերը, ինչպես նաև մտքերի հանգամանալից փոխանակում իրականացնելու տարածաշրջանային և միջազգային օրակարգի մի շարք հրատապ հարցերի շուրջ»,- նշել է Միրզոյանը։
«Ցանկանում եմ հայտնել Հայաստանի Հանրապետության շահագրգռվածությունը՝ շարունակելու արդյունավետ քաղաքական երկխոսությունը՝ ուղղված մեր երկկողմ հարաբերություններին և, ընդհանուր առմամբ, տարածաշրջանային իրավիճակին ազդող հարցերի քննարկմանը:
Հայաստանը միշտ հավատարիմ է եղել բաց և կառուցողական երկխոսության սկզբունքին, և հուսով ենք, որ ապագայում ռուսական կողմը կշարունակի հաշվի առնել տեղի ունեցողի բոլոր ասպեկտները՝ խուսափելով միակողմանի մեկնաբանություններից, ինչը, ցավոք, վերջերս տեսանք։ Հուսով եմ, որ մեր այսօրվա հանդիպումը կնպաստի փոխըմբռնմանը»,- ասել է Հայաստանի ԱԳՆ ղեկավարը։
«Երկկողմ հարաբերություններում մեկ այլ կարևոր ցուցանիշ, իհարկե, համագործակցությունն է միջազգային հարթակներում։ Մենք միշտ փորձում ենք ըմբռնումով վերաբերվել Ռուսաստանի Դաշնության շահերին, կա ցանկություն և ըմբռնում, որ ռուսական կողմը որոշ չափով հաշվի առնի Հայաստանի Հանրապետության շահերը միջազգային հարթակներում.։ Միջազգային հարթակներում համագործակցությունը մեր ավանդույթի մի մասն է, և մենք նպատակ ունենք շարունակել այդ ավանդույթը»,- նշել է Միրզոյանը։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Գայի պողոտայում գտնվող առևտրի կենտրոններից մեկում հրդեհ է բռնկվել
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Խամենեիի գտնվելու վայրը գաղտնի է պահվում՝ անվտանգությունից ելնելով
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը
Գազամատակարարման վթարային դադարեցում Երևանի մի շարք հասցեներում