Բոլոր տվյալները հուշում են, որ Ալիևի և Փաշինյանի ելույթները համաձայնեցված էին. Արմեն Այվազյան
«Փաշինյանն ու նրա կառավարությունը պետք է հեռացվեն իշխանությունից։ Այլապես հայասպան Ալիևին զիջումները չեն դադարելու ու մի գեղեցիկ օր ավարտվելու են արդեն մայրաքաղաք Երևանի դավաճանական հանձնումով նույն հայասպան թշնամուն»,- նման կարծիք է հայտնել ռազմական պատմաբան, քաղաքական գիտությունների դոկտոր Արմեն Այվազյանը։
«Ս.թ. հունվարի 7-ին ֆաշիստ Ի. Ալիևն ի լուր աշխարհի սպառնաց ոչնչացնել Հայաստանը։
Հունվարի 8-9-ին ՀՀ վարչապետը հանդես եկավ ոչ թե հայ ժողովրդին ոգեշնչելու և պաշտպանությանը նախապատրաստելու ելույթով, այլ Ալիևի նախկինում հնչեցրած անընդունելի պահանջներից երկուսի բավարարումով՝ համաձայնվելով Արցախի հարցով 1992 թ. ի վեր զբաղվող Մինսկի խմբի լուծարմանը, ինչպես նաև միջազգային ատյաններից Ադրբեջանի դեմ հայցերը հետ կանչելուն։ Բացի այդ, Փաշինյանը փորձեց հավասարության նշան դնել Հայաստանի և Ադրբեջանի քաղաքականության միջև՝ այդպիսով արդարացնելով Արցախում տեղի ունեցած ցեղասպանությունն ու էթնիկ զտումը։
Բոլոր տվյալները հուշում են, որ Ալիևի և Փաշինյանի ելույթները համաձայնեցված էին։ Սկզբից Ալիևն ահաբեկում է հայ ժողովրդին, այնուհետև Փաշինյանն իր ողջ վարքագծով հզորացնում է այդ ահաբեկման բացասական հետևանքները, բարոյալքում հայ հասարակությանը և անմիջապես կատարում հերթական կործանարար զիջումները հօգուտ թշնամու՝ դիմացը, ինչպես միշտ, ոչինչ չստանալով։ Այդպես եղել է մի քանի անգամ՝ սկսած 2020 թ. նոյեմբերի 9-ի կապիտուլյացիոն համաձայնագրից ու վերջացրած Գորիս-Կապան ռազմավարական ճանապարհի ու Տավուշի ամրացված շրջանների դավաճանական հանձնումներով։
Այնինչ, Ալիևն առաջիկայում չի համարձակվելու դիմել նոր պատերազմի Հայաստանի դեմ, որովհետև վախենալու է Իրանի ռազմական միջամտությունից, որի հետևանքներն իր համար կարող են մահացու լինել։ Պետք է հուսալ, որ Իրանի բանակը շարունակելու է պահպանել իր հզոր ներկայությունը տարածաշրջանում և զսպել թուրք-ադրբեջանական ախորժակները նաև հետագայում՝ ի հեճուքս բոլոր սպառնալիքների։
Մեզ մնում է օգտվել Հայաստանի անվտանգության համար ստեղծված ներկա բարենպաստ պայմաններից ու շուտափույթ կերպով բարելավել երկրի պաշտպանունակությունը (թե ինչպես՝ բազմիցս մանրամասն խոսել, գրել և ներկայացրել եմ)։ Բայց այդ գործը Փաշինյանը երբեք չի անելու։ Նա ու նրա կառավարությունը պետք է հեռացվեն իշխանությունից։ Այլապես հայասպան Ալիևին զիջումները չեն դադարելու ու մի գեղեցիկ օր ավարտվելու են արդեն մայրաքաղաք Երևանի դավաճանական հանձնումով նույն հայասպան թշնամուն»,- գրել է Արմեն Այվազյանը։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Արսեն Զախարյանի տրանսֆերային արժեքն աճել է
Մարմնամարզության տղամարդկանց հավաքականը տուն է վերադառնում