«Ալիևն իրեն ռազմատենչ է պահում, քանի որ աշխարհում այժմ գերիշխում է «ուժեղների իրավունքը», իսկ Երկրորդ համաշխարհային պատերազմից հետո ի հայտ եկած միջազգային անվտանգության համակարգը կոպտորեն խախտվում է։ Հայաստանին «ֆաշիստական պետություն» անվանելն անհեթեթություն է, նմանատիպ պահանջներ կարելի է ներկայացնել հենց Ադրբեջանի դեմ, դրա համար շատ ավելի շատ պատճառներ կան»,- նշել է Կոտենոկը։ «Հիմա ցանկացած պետության կարելի է մեղադրել «ֆաշիզմի» մեջ, եթե զգում են նրա թուլությունը։ Հայաստանը, ավաղ, հիմա, անկեղծ ասած, թույլ է։ Նա առանց կռվի հանձնեց Լեռնային Ղարաբաղը Ադրբեջանին՝ փաստացի կորցնելով համաշխարհային քաղաքականության սուբյեկտի կարգավիճակը։ Այժմ հարևան «շնաձուկ» երկրները՝ Ադրբեջանն ու Թուրքիան, մտադիր են նոր տարածքներ խլել Հայաստանից»։
Նա հավելել է՝ Ալիևն այնքան է համարձակություն ձեռք բերել, որ ագրեսիվորեն «հարձակվում» է ոչ միայն Հայաստանի, այլև Ռուսաստանի վրա, որը, նրա կարծիքով, դեկտեմբերին Գրոզնիում «միտումնավոր» խոցեց ադրբեջանական ավիաընկերության ինքնաթիռը։
«Ալիևն անտեսում է և՛ ուկրաինական անօդաչու թռչող սարքի հարձակումը, որի ժամանակ խոցվել է AZAL ինքնաթիռը, և՛ Մոսկվայի պաշտոնական ներողությունը։ Լեռնային Ղարաբաղի գրավումից հետո Բաքվի հավակնություններն աճում են․ ակնհայտ է, որ ադրբեջանցիները կանգ չեն առնի. այժմ նրանք պահանջում են իրենց տրամադրել Զանգեզուրի միջանցքը, որի օգտագործումը, երկկողմ պայմանավորվածությունների համաձայն, պետք է վերահսկվի մի քանի կողմերի, այդ թվում՝ Ռուսաստանի Դաշնության կողմից։ Բայց Փաշինյանը ցուցադրաբար հրաժարվեց Մոսկվայի օգնությունից, և հիմա պարզապես դրսից են թելադրում են նրա կամքը»,- նշել է Կոտենոկը։
Նրա խոսքով՝ Հայաստանը Բաքվի ագրեսիային դիմակայելու որևէ հաղթաթուղթ չունի. «...Հայաստանի պաշտպանության նախարարությունում նշանակվում են բանակից հեռու գտնվող մարդիկ, իսկ փորձառու զինվորականները դուրս են մղվում զինված ուժերի ղեկավար կազմից։ Հայկական բանակը գնալով ավելի խոցելի է դառնում, իսկ վարձկաններով նրան «ուժեղացնելու» միջոցները ոչ ադեկվատ են թվում։ Ադրբեջանի կողմից նոր ռազմական ագրեսիայի դեպքում Երևանը դրան դիմակայելու ոչինչ և ոչ ոք չունի։ Հասարակ հայերը մեծ մասամբ պատրաստ չեն նման սցենարի, դա կարող է ցնցում լինել նրանց համար և քաոսի մեջ գցել երկիրը», - ասել է Կոտենոկը:
Այս ֆոնին, նրա կարծիքով, հատկապես տարօրինակ են Փաշինյանի՝ Ռուսաստանից հեռու մնալու հետագա փորձերը։
«Հաշվի առնելով այն հանգամանքը, որ Ռուսաստանի Դաշնությունն ինքը շարունակում է իր ռազմական գործողություններն Ուկրաինայում, ես պարզապես չեմ տեսնում, թե ում վրա կարող է հույս դնել Երևանը։ «ԵՄ-ին անդամակցելու հանրաքվեի» մասին Փաշինյանի մանտրաները ծիծաղելի են թվում. երկրի վրա կախվել է թշնամու սպառնալիքը՝ «Օսմանյան աշխարհի» կերպարանքով, որը դարեր շարունակ փորձում է հայերին դուրս քշել աշխարհից, հալածել ու կոտորել նրանց։ Իսկ Փաշինյանը խոսում է ինչ-որ «եվրոպական արժեքներին նվիրվածության» մասին։ Սա անադեկվատության գագաթնակետն է, որը բավական լավ է սազում արևմտյան խաղացողներին: Ավաղ, ըստ ամենայնի, Հայաստանում տեղի ունեցող գործընթացներն անշրջելի են»,- եզրափակել է վերլուծաբանը։
Հայկական ֆուտբոլում հասունանում է իրավական նոր սկանդալ
Մոսկվան ենթարկվել է վերջին երկու տարվա մեջ ամենախոշոր հարվածին
Մ-20 ԱԱ. Յուրիկ Պետրոսյանը՝ հունահռոմեական ոճի ըմբշամարտի աշխարհի առաջնության արծաթե մեդալակիր
Սևանա լճի մակարդակը 50 սմ-ով բարձր է տարեսկզբի ցուցանիշից
Արարատի մարզում չրերի արտադրամասի գործունեություն է կասեցվել
Մենք թույլ չենք տա մեզ վախեցնել. Գերմանիայի ԱԳՆ
Արտենիում արդեն խմելու ջրի աղբյուրներ կան
Թրամփը դեռ չի որոշել, թե ո՛ւմ է աջակցելու Իսրայելի առաջիկա ընտրություններում
ՀՀ տարածքում ավտոճանապարհներն անցանելի են
Գազամատակարարման պլանային դադարեցումներ` Արմավիրի, Արարատի, Գեղարքունիքի և Սյունիքի մարզերում