Հոլիվուդի հայտնի մարդկանց տները ավերակների են վերածվել Կալիֆորնիայի զանգվածային անտառային հրդեհների պատճառով

Հոլիվուդյան հայտնիների տները ավերակների են վերածվել Կալիֆոռնիայում մոլեգնող հսկայական անտառային հրդեհների պատճառով:

Զոհերի թիվը հասել է հինգի, մինչ հրշեջները շարունակում են պայքարել դժոխային պայմանների դեմ առնվազն հինգ տարբեր հրդեհների առաջնագծում:

Ավերված տների թվում են Էնթոնի Հոփքինսի, Ջոն Գուդմանի, Փերիս Հիլթոնի, Մայլս Թելլերի, Բիլ Քրիսթալի տները, մինչդեռ տասնյակ այլ աստղեր այժմ անհանգիստ սպասումների մեջ են՝ տեսնելու, թե արդյոք ինչ-որ բան կարելի է փրկել:

«Բառերը չեն կարող նկարագրել այն ավերածությունների ահռելի չափերը, որոնց ականատես եղանք: Մենք սգում ենք մեր ընկերներին և հարևաններին, որոնք ևս կորցրել են իրենց տներն ու բիզնեսը այս ողբերգության ժամանակ»,- ասել է Բիլլի Քրիսթալը։ «Ես ու Ջենիսն ապրում ենք մեր տանը 1979 թվականից։ Մենք այստեղ ենք մեծացրել մեր երեխաներին ու թոռներին։ Մեր տան յուրաքանչյուր թիզը լցված էր սիրով: «Հրաշալի հիշողություններ, որոնք հնարավոր չէ խլել», - ավելացրել է նա:

Փերիս Հիլթոնն ասել է, որ իմացել է, որ Մալիբուում իր տունն այրվում է ուղիղ եթերի ժամանակ: Նա Instagram-ի իր էջում գրել է, որ դա «ոչ ոք երբեք չպետք է տեսնի»:

Օսկարի առաջադրված դերասան Ջեյմս Վուդսը կադրեր է հրապարակել, որտեղ պատկերված է տունը, որը նրանից երկու թաղամաս հեռու ամբողջությամբ այրվել է։

Նա իր ընտանիքի հետ լքել է Պալիսադեսը, քանի որ արագ ընթացող անտառային հրդեհը պատել է տարածքը, և պարզ չէ, թե ինչ է մնացել նրա սեփականությունից տարհանումից հետո:

52-ամյա Աֆլեքն ապրում է իր նախկին կնոջից ոչ շատ հեռու, որի հետ նա ունի երեք երեխա։

Աֆլեքը շտապել է նրանց մոտ՝ վերցնելու իր ընտանիքը, DailyMail.com-ին հայտնել են աղբյուրները:

Աֆլեքը գնել է 20 միլիոն դոլար արժողությամբ շքեղ առանձնատունը Pacific Palisades-ում ընդամենը հինգ ամիս առաջ՝ Ջեյ Լոյից բաժանվելուց հետո։

Պարզ չէ, թե արդյոք տունը փրկվել է այս դժոխքից: