Ցմահ ազատազրկում՝ թմրավաճառների համար․ Տոկաևը նոր օրենք է ստորագրել

Այս մասին հայտնում է Ղազախստանի ղեկավարի մամուլի ծառայությունը։

 

«Օրենքը խստացրել է քրեական պատասխանատվությունը թմրանյութերի արտադրության, ինչպես նաև պաշտոնատար անձանց կողմից թմրամիջոցներ պատրաստելու, մշակելու և արտադրելու համար։ Այժմ այս հանցագործությունների համար մեղավոր ճանաչվածները կարող են դատապարտվել ազատազրկման՝ 15-ից 20 տարի ժամկետով կամ ցմահ ազատազրկում ստանալ՝ գույքի բռնագրավմամբ»,- ասված է հաղորդագրության մեջ։

 

Օրենքը խստացրել է նաև թմրանյութերի տարածման համար պաշտոնյաների քրեական պատասխանատվությունը: Եթե նախկինում այս հանցագործությունների համար նրանց սպառնում էր 10-15 տարի ժամկետով ազատազրկում` գույքի բռնագրավմամբ, ապա այժմ նրանց սպառնում է 15-ից 20 տարի ժամկետով ազատազրկում` գույքի բռնագրավմամբ:

 

Սրան զուգահեռ փոքր-ինչ մեղմվել է թմրավաճառների պատիժը։ Առաջին անգամ առանց ծանրացուցիչ հանգամանքների նման հանցագործություն կատարելու համար օրենքը նախատեսում է ազատազրկում՝ 5-8 տարի ժամկետով՝ գույքի բռնագրավմամբ, նշվում է զեկույցում։ Նախկինում պատիժը տատանվել է 5-10 տարի՝ գույքի բռնագրավմամբ։