«Սա պատմական օր է Մերձավոր Արևելքի պատմության մեջ,- հայտարարել է Նաթանյահուն Սիրիայի հետ Իսրայելի սահման կատարած այցի ժամանակ։- Ասադի ռեժիմը իրանական չարիքի առանցքի կենտրոնական օղակն է. այդ ռեժիմը տապալվել է։ Սա ուղղակի արդյունքն է այն հարվածների, որոնք մենք հասցրեցինք Իրանին և «Հեզբոլլահին»՝ Ասադի ռեժիմի հիմնական աջակիցներին։ Սա շղթայական ռեակցիա է առաջացրել ողջ Մերձավոր Արևելքում այն բոլոր մարդկանց շրջանում, որոնք ցանկանում են ազատվել այս բռնակալ ռեժիմից»:
Միաժամանակ, ըստ Իսրայելի վարչապետի, նոր հնարավորությունների հետ մեկտեղ Սիրիայի տապալումը նաև վտանգներ է ներկայացնում։
«Մենք գործում ենք առաջին հերթին մեր սահմանը պաշտպանելու համար։ Այդ տարածքը գրեթե 50 տարի վերահսկվում էր բուֆերային գոտու կողմից, որը ստեղծվել էր 1974 թվականին՝ ուժերի բաժանման համաձայնագրի շրջանակում։ Այդ համաձայնագիրը խախտվել է, սիրիացի զինվորները լքել են իրենց դիրքերը»,- ասել է նա։
Ըստ Նաթանյահուի, երեկ ինքը և պաշտպանության նախարար Իսրայել Կացը հանձնարարել են Իսրայելի պաշտպանության բանակին գրավել բուֆերային գոտին՝ հավելելով, որ Իսրայելը թույլ չի տա թշնամական ուժերին դիրքավորվել իր սահմանին։
Նա նաև հիշեցրել է «բարիդրացիության» քաղաքականության մասին, որն, իբր, Իսրայելը վարել է Սիրիայում պատերազմի ամենաթեժ պահին՝ հայտարարելով, որ Իսրայելը կվարի համանման «քաղաքականություն՝ մարդասիրական օգնություն տրամադրելով սիրիացի խաղաղ բնակիչներին՝ միաժամանակ խուսափելով ներքին հակամարտություններին ակտիվ մասնակցությունից»։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Գայի պողոտայում գտնվող առևտրի կենտրոններից մեկում հրդեհ է բռնկվել
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գազամատակարարման վթարային դադարեցում Երևանի մի շարք հասցեներում
Խամենեիի գտնվելու վայրը գաղտնի է պահվում՝ անվտանգությունից ելնելով
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը