Նորվեգիայի արքայադուստրն ամուսնացել է աֆրոամերիկացի շամանի հետ

Ինֆլյուենսերները, ռեալիթի հեռուստատեսության աստղերը և հեռուստատեսային դեմքերը հյուրերի թվում էին, երբ Նորվեգիայի թագավորի ավագ դուստրը՝ արքայադուստր Մարթա Լուիզը, երեք օր տևած տոներից հետո շաբաթ օրն ամուսնացել է ամերիկացի շամանի հետ, գրում է Associated Press-ը:

52-ամյա Մարթա Լուիզը և Դյուրեկ Վերեթը, որի պնդմամբ ինք վեցերորդ սերնդի շաման է Կալիֆորնիայից, ամուսնացել են Գեյրանգերի գեղատեսիլ փոքրիկ քաղաքում՝ ֆյորդի վրա հաստատված և ապշեցուցիչ տեսարաններներով Նորվեգիայի գլխավոր զբոսաշրջային վայրերից մեկում:

Հինգշաբթի սկսված տոնակատարությունների հետո իսկական հարսանեկան արարողությունը տեղի ունեցավ ծաղկափթիթ բացատում տեղադրված վիթխարի սպիտակ վրանում:

Զույգը իրենց հարսանեկան լուսանկարների իրավունքները վաճառել է բրիտանական «Hello!» հանդեսին, իսկ էկրանավորման իրավունքները՝ Netflix-ին։ Նշված գործարքները առաջացրել նորվեգական լրատվամիջոցների վրդովմունքը, նշելով, որ դրանք հակասում են տեղական պրակտիկային: Զույգը հաճախ հանդես էր գալիս ընդդեմ մամուլի՝ իրենց անձնական կյանքի մանրամասները տարածելով սոցիալական ցանցերում։

Դստեր հարսանիքին թագուհի Սոնյայի և Նորվեգիայի թագավորական ընտանիքի մյուս անդամների հետ մասնակցել է 87-ամյա Հարալդ թագավորը, որը վերջին մի քանի տարիներին վատառողջ էր։

Թագաժառանգ արքայադուստր Վիկտորիան և նրա ամուսինը՝ արքայազն Դանիելը, իրենց եղբոր՝ արքայազն Կառլ Ֆիլիպի և նրա կնոջ՝ արքայադուստր Սոֆիայի հետ ներկայացնում էին Շվեդիայի թագավորական ընտանքը: Եվրոպական թագավորական ընտանիքի ոչ մի այլ անդամ հարսանիքին չի մասնակցել։