Ուսուցչուհուն երեք տարվա ազատազրկման են դատապարտել 15-ամյա սանուհու հետ սեռական հարաբերություն ունենալու համար
ԱՄՆ-ում դատավճիռ է կայացվել ուսուցչուհու նկատմամբ, որը մեղադրվում է անչափահաս աղջկա սեռական անձեռնմխելիության դեմ հանցագործությունների մեջ: Այս մասին հայտնում է Daily Mail պարբերականը:
40-ամյա Սթեյսի Միշել Ուոքերը, որը թատերական արվեստ էր դասավանդում դպրոցի ավագ դասարաններում, դատապարտվել է երեք տարվա ազատազրկման: 2017 թվականին նա հարաբերություններ է հաստատել սաներից մի աղջկա հետ, որն այդ ժամանակ 15 տարեկան էր։ Նրանք սկսել են խոսել սեքսի մասին, այնուհետև անցել ինտիմ լուսանկարների և տեսանյութերի փոխանակմանը: Ավելի ուշ կինը բազմիցս հանդիպել է աշակերտուհու հետ և սեռական հարաբերություն ունեցել նրա հետ։
Դատարանում տուժողը հայտարարել է, որ ուսուցչուհու հետ երեք տարվա հարաբերություններից հետո տառապում է դեպրեսիայից, տագնապային խանգարումից, խուճապային հարձակումներից եւ մեղքի զգացումից: Բացի այդ, նրա մոտ ախտորոշվել է հետտրավմատիկ սթրեսային խանգարում։
Աղջկա խոսքով՝ Ուոքերի մանիպուլյացիայի պատճառով ինքը պատրաստ է եղել կատարել նրա բոլոր ցանկությունները։ «Ինչ էլ որ նա խնդրեր՝ սեռական բովանդակության լուսանկարներ և տեսանյութեր, որոշակի դիրքեր, նրա այլասերված սեռական ֆանտազիաների բավարարումը, այդ ամենը նվաստացում և վիրավորանք էր», — ասել է նա դատավարության ժամանակ:
Ասել են՝ դիմումդ հետդ բեր. Սարիկ Մինասյանն անակնկալի է եկել
ՌԴ ՊՆ-ն հայտնել է Ռոստովի մարզում տեղակայված «Կամենսկի» քիմկոմբինատի վրա ATACMS և Storm Shadow հրթիռ...
ԿԳՄՍՆ-ից դպրոցների տնօրեններին հրահանգել են չտրամադրել տարեվերջյան հավելավճարները․ պատգամավոր
Զախարովան մեկնաբանել է Ալիևի պահանջը՝ այսպես կոչված, «Արևմտյան Ադրբեջանի» համայնքի վերաբերյալ
Խոշոր վթար Երևանում. բախվել է 3 մեքենա, 1-ը կողաշրջվել է
Անդրանիկ Քոչարյանը, կոռուպցիոն թեմաներն ու Արփի Դավոյանի մանդատը
Հնդկաստանը հրաժարվել է զենք վաճառել Ադրբեջանին. ThePrint
Աղազարյանի կողմից՝ ենթադրաբար պետական գաղտնիք պարունակող արտահոսքերի վերաբերյալ նախաձեռնվել է քրեակա...
«Օրենքով գողերի» ցուցակ ունե՞ք և ինչպես եք նրանց դեմ պայքարելու». Հարց Սրբուհի Գալյանին
86 ընկերություններից 50%-ից ավելին 10 միլիոն նույնիսկ չեն փոխանցել. Վարչապետի կինը դժգոհ է