Ադրբեջանի պատասխանը Տայվո Կլաարին

Ադրբեջանի ԱԳՆ-ն անընդունելի է համարել, որ Հարավային Կովկասում Եվրամիության նախկին հատուկ ներկայացուցիչ, Ուզբեկստանում Եվրամիության դեսպան Տոյվո Կլաարը Լեռնային Ղարաբաղից բռնի տեղահանված հայերի վերադարձի հարցը առանձնհատուկ դեպք է համարել։

Արտաքին գործերի նախարարությունը, օգտվելով առիթից, հերթական պահանջն է ներկայացրել՝ նշելով, որ Հայաստանը «պարտավոր է համապատասխան պայմաններ ստեղծել» ադրբեջանցիների կողմից Հայաստանի բնակեցման համար։ Չգիտես ինչու, Ադրբեջանի ԱԳՆ-ն համզոված է, որ հայերը մտադիր չեն Լեռնային Ղարաբաղ վերադառնալ։

«Այն, որ Կլաարը պաշտոնից հեռանալու նախօրեին նման կողմնակալ հայտարարություններ է անում, որոնք կապված չեն նրա լիազորությունների հետ, ևս մեկ հարված է կազմակերպության հեղինակությանը, որն առաջին հերթին ներկայացնում է ԵՄ պաշտոնյան»,- հայտարարել է Բաքուն։