Ոչ ոք չի ասել՝ Ուկրաինան ՆԱՏՕ-ի անդամ կդառնա հենց 10 տարուց․ Ստոլտենբերգ
ՆԱՏՕ-ի գլխավոր քարտուղար Ենս Ստոլտենբերգը հայտարարել է, որ ոչ ոք չի խոստացել՝ առաջիկա 10 տարվա ընթացքում Ուկրաինան կդառնա Հյուսիսատլանտյան դաշինքի անդամ։ Ինչպես գրում է ՏԱՍՍ-ը, այս մասին նա հայտարարել է CBS-ի եթերում՝ պատասխանելով հարցին, թե ինչու Ուկրաինան ՆԱՏՕ-ի անդամ կդառնա 10, այլ ոչ թե 2 կամ 3 տարուց։
«Ոչ ոք չի ասել՝ հենց 10 տարուց, բայց ակնհայտ է, որ Ուկրաինային (ՆԱՏՕ - խմբ․) ընդունելու հարցը շատ լուրջ է»,- նշել է ՆԱՏՕ-ի գլխավոր քարտուղարը։
Ստոլտենբերգի խոսքով՝ ամենակարևոր բանը, որ հարկավոր է անել, Ուկրաինային տրամադրվող աջակցության ակտիվացումն է, որպեսզի Կիևը «կարողանա հաղթել»։
«Սա նախապայման է Ուկրաինայի՝ ապագա ցանկացած անդամակցության համար»,- ասել է նա։
Ստոլտենբերգը նաև նշել է, որ իրենց «անհրաժեշտ է երկարաժամկետ և արդար խաղաղություն», իսկ «դրան հասնելու միակ ճանապարհը ՌԴ նախագահ Վլադիմիր Պուտինին համոզելն է, որ ինքը մարտի դաշտում չի հաղթելու»։
Ինչպես ընդգծել է ՆԱՏՕ-ի գլխավոր քարտուղարը, ՌԴ առաջնորդը «պետք է համաձայնի այնպիսի լուծման, որի դեպքում Ուկրաինան կհաղթի որպես ինքնիշխան, անկախ եվրոպական երկիր»։
Հիշեցնենք, որ օրերս Ստոլտենբերգը հույս էր հայտնել, որ Ուկրաինան մինչև 2034 թվականը ՆԱՏՕ-ի անդամ կդառնա։
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Մենք ենք պետք Եվրոպային, թե Եվրոպան` մեզ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Երևանի համայնքապատկան դպրոցների գործունեությունը մշտադիտարկվում և գնահատվում է