Ռուսաստանը դադարեցնում է ԵԽԽՎ-ին իր անդամակցությունը

ՌԴ սենատորներն ու Պետդումայի պատգամավորները վստահ են, որ ժողովրդի կամքն ու շահերն արտահայտող խորհրդարանականների նկատմամբ ԵԱՀԿ ԽՎ միջոցառումներին մասնակցության սահմանափակումների կիրառումն անթույլատրելի է։

Ռուսաստանի խորհրդարանը (նախ Դաշնության խորհուրդը (վերին պալատ), ապա Պետական դուման (ստորին պալատ)) ընդունել է ԵԱՀԿ խորհրդարանական վեհաժողովի աշխատանքներին Ռուսաստանի պատվիրակության մասնակցության դադարեցման մասին հայտարարության նախագիծը։

Ռուսաստանի Դաշնության խորհրդի նախագահ Վալենտինա Մատվիենկոն հանձնարարել է Դաշնության խորհրդի միջազգային կոմիտեին անհապաղ տեղեկացնել ԵԱՀԿ ԽՎ-ին՝ կազմակերպությունում ՌԴ պատվիրակության մասնակցության դադարեցման մասին:

«Ես խնդրում եմ Գրիգորի Բորիսովիչին (Դաշնային խորհրդի միջազգային կոմիտեի ղեկավար Կարասինին, – խմբ.)՝ սենատորների քվեարկությունից հետո անհապաղ հեռագրեր ուղարկել ԵԱՀԿ Խորհրդարանական վեհաժողով, որն այժմ գումարված է Ռումինիայում, որպեսզի, եթե նրանց մոտ գոնե ինչ-որ դիվանագիտության նշույլներ են մնացել կամ խիղճ ու էլի ինչ-որ բան՝ հնչեցնեն իրենց գործունեության վերաբերյալ Դաշնային ժողովի հայտարարությունը։ Փորձեքդա անել ամենաօպերատիվ ձևով, ինչպես պայմանավորվել ենք», – ասել է Մատվիենկոն խորհրդի լիագումար նիստի ընթացքում։

Փաստաթղթում նշված է, որ ԵԱՀԿ ԽՎ-ում ռուսական պատվիրակությունը մտացածին պատրվակներով բազմիցս զրկվել է երկխոսությունը շարունակելու, լիագումար նիստերի և վեհաժողովի ղեկավար մարմինների աշխատանքներին լիարժեք և իրավահավասար մասնակցելու հնարավորությունից: ՌԴ սենատորներն ու Պետդումայի պատգամավորները վստահ են, որ ժողովրդի կամքն ու շահերն արտահայտող խորհրդարանականների նկատմամբ ԵԱՀԿ ԽՎ միջոցառումներին մասնակցության սահմանափակումների կիրառումն անթույլատրելի է: