ՀՀ-ում հաջող է եղել պարեկային ծառայության ներդրումը․ ՀՀ-ում ԵՄ դեսպան
ԵՄ-ն եղել և շարունակում է լինել ՀՀ-ում բարեփոխումների իրականացման կարևոր, առանցքային գործընկերը:
Այս մասին ժողովրդավարության հայկական ֆորումին ասաց ԵՄ դեսպան Վասիլիս Մարագոսը։
«Հատկապես կցանկանայի նշել մեր համագործակցությունը ՆԳՆ հետ, շատ կարևոր բարեփոխումներ եք նախաձեռնել։ Մենք նաև աջակցում ենք անվտանգության ոլորտի ռեֆորմների հարցում, կարծում եմ՝ հաջող է եղել պարեկային ծառայության ներդրումը։ ԵՄ-ն մոտ 76 ժամանակակից մեքենաներ է նվիրաբերել, որ ոստիկանությունը կարողանա պատշաճ կերպով իր գործառույթներն իրականացնել»,- ասաց նա։
Մարագոսը նշեց, որ ԵՄ-ն աջակցել է արդարադատութան ռեֆորմներին։
«40 մլն բյուջետային աջակցություն ենք տրամադրել կառավարությանը, այս ոլորտում շարունակական աշխատանքներ են տեղի ունենում։ Դատական իշխանության արդյունավետության ուղղությամբ ենք աշխատում, ինչպես նաև ընդհանրապես արդարադատության հասանելիության ոլորտում, որը շատ կարևոր է խոցելի խմբերի համար»,- ասաց նա։
ԵՄ դեսպանի խոսքով՝ այժմ աշխատանքներ են տարվում ԵՄ և Հայաստանի միջև նոր գործընկերության օրակարգի շուրջ։
«Ես, իհարկե, ակնկալում եմ, որ ժողովրդավարությունը լինելու է առաջնագծում այս համագործակցության։ Ուզում եմ նշել ՀՀ-ում ԵՄ մոնիթորինգային առաքելության դերը, որը իսկապես աջակցում է կայունության ապահովմանը սահմանին, շատ պրոֆեսիոնալ մշտադիտարկում է իրականացվում հենց այդ խոցելի տարածքներում։ Ժողովրդավարությունը հիմնական նպատակներից մեկն է, բայց նաև մի բան եմ ուզում նշել՝ նաև այլ ներդրումներ ենք կատարելու դիմակայունության և զարգացման ծրագրի շրջանակներում, մասնավորապես, ձեռնարկատիրության զարգացման ուղղությամբ, որ ՀՀ-ն ավելի մոտ գտնվի Եվրոպային»,- ընդգծեց նա։
Ամփոփելով խոսքը՝ Մարագոսն ասաց, որ ԵՄ-ն խրախուսում է ՀՀ-ին՝ շարունակելու իր ջանքերը համապարփակ ժողովրդավարության զարգացման ուղղությամբ ի շահ ՀՀ բոլոր քաղաքացիների, որ ոչ ոք լուսանցքում չմնա։
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Մենք ենք պետք Եվրոպային, թե Եվրոպան` մեզ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Երևանի համայնքապատկան դպրոցների գործունեությունը մշտադիտարկվում և գնահատվում է