Մեզ փորձում են հասկացնել, որ ԱՄՆ-ն և ՆԱՏՕ-ն Ուկրաինայում պատրաստ են բառացիորեն ամեն ինչի. Լավրովը՝ F-16-ի մատակարարման մասին
Ռուսաստանի արտաքին գործերի նախարար Սերգեյ Լավրովը հայտարարել է, որ ՆԱՏՕ-ն երկար ժամանակ F-16 կործանիչները որպես առաքման միջոց է օգտագործել միջուկային համատեղ առաքելությունների ժամանակ: Այս առումով, ըստ ՌԴ ԱԳ նախարարի, Ռուսաստանն Ուկրաինային այս կործանիչների մատակարարումը կդիտարկի որպես «ՆԱՏՕ-ի կանխամտածված ազդանշանային գործողություն միջուկային ոլորտում»։
«Նրանք փորձում են մեզ հասկացնել, որ Ուկրաինայում ԱՄՆ-ն և ՆԱՏՕ-ն պատրաստ են բառացիորեն ամեն ինչի»,- ասել է Լավրովը ՌԻԱ «Նովոստի»-ին։
Նա հավելել է, որ կործանիչների մատակարարումը չի փոխի իրավիճակը մարտական գոտում։
«Այդ ինքնաթիռները կոչնչացվեն, ինչպես ՆԱՏՕ-ի երկրների կողմից Ուկրաինային մատակարարվող այլ զինատեսակներ»,- ասել է ՌԴ ԱԳՆ ղեկավարը։
F-16-ը չորրորդ սերնդի ամերիկյան կործանիչ է, որը կարող է առաքել մարտավարական միջուկային զենք, ապահովել կրակային աջակցություն, որսում և օդային հետախուզություն իրականացնել: Ուկրաինան պետք է ավելի քան 60 F-16 ստանա Բելգիայից, Դանիայից, Նիդեռլանդներից և Նորվեգիայից։ Առաջին մատակարարումները սպասվում են ամռանը։ Մայիսի 24-ին ուկրաինացի օդաչուների առաջին ծումբն ավարտել է ԱՄՆ-ում F-16-ով թռչելու դասընթացները:
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Իրանի հանգուցյալ գերագույն առաջնորդի կինը ողջ է
Հայաստանում 2025 թվականի ընթացքում արտադրված էլեկտրաէներգիայի 14%-ը բաժին է հասնում արևային կայաններ...
Ապօրինի ձեռնարկատիրության երեք դեպք․ քրեական ոստիկանների բացահայտումները