Ասիայի ամենահարուստ մարդը հարսանիքի նախօրեին որդուն նվիրել է վիլլա Դուբայում՝ 77,6 մլն դոլար արժողությամբ

Ասիայի ամենահարուստ մարդը՝ միլիարդատեր Մուկեշ Ամբանին, հարսանիքի նախօրեին որդուն՝ Անանտին եւ նրա ապագա կնոջը՝ Ռադհիկային նվիրել է վիլլա Դուբայում՝ 77,6 մլն դոլար արժողությամբ։

Այդ շքեղ առանձնատունը, որը 10 ննջասենյակներ եւ մասնավոր լողափ ունի՝ մոտ 70 մետր երկարությամբ, ամենաթանկ տներից մեկն է էմիրությունում։ Տեղեկացվել է, որ առանձնատան, որը գտնվում է Պալմա Ջումեյրա կղզում, ինտերիերները զարդարված են ինքնատիպ լուսատուներով, արվեստի անթերի գործերով եւ իտալական մարմարի հատակներով։

Շքեղ նվերը կմատուցվի զույգի երկրորդ նախահարսանեկան հանդիսության ժամանակ, որը տեղի է ունենալու մայիսի 29-ից մինչեւ հունիսի 1-ը զբոսանավի վրա։

Հարսանիքը տեղի է ունենալու հուլիսի 12-ին եւ, ինչպես սպասվում է, դառնալու է տարվա ամենաարտառոց իրադարձություններից մեկը։