Ավստրալիան, ԱՄՆ-ն, Ֆիլիպինները եւ Ճապոնիան զորավարժություններ են անցկացրել Հարավչինական ծովում

Ավստրալիան, ԱՄՆ-ն, Ֆիլիպինները եւ Ճապոնիան զորավարժություններ են անցկացրել Հարավչինական ծովում։ Այս մասին տեղեկացրել է Ֆիլիպինների պաշտպանության նախարարությունը։

Զորավարժությունները տեղի են ունեցել ապրիլի 7-ին Ֆիլիպինների բացառիկ տնտեսական գոտում։ Դրանց մասնակցել են մասնակից երկրների ռազմածովային ուժերի նավերը եւ օդուժը։ «Զորավարժությունները ցուցադրել են մասնակից երկրների հավատարմությունը տարածաշրջանային եւ միջազգային համագործակցության ամրապնդմանը՝ խաղաղ եւ բաց Հնդկա-խաղաղօվկիանոսյան տարածաշրջանի օպերատիվ համատեղելիության ստեղծման նպատակով։ Դա զգալի ավանդ կներդնի նաեւ Ֆիլիպիների զինած ուժերի մարտական հնարավորությունների զարգացման գործում»,- նշվել է ռազմական գերատեսչության հաղորդագրությունում։ Չինաստանի Ափային պահպանության վարչության պաշտոնական ներկայացուցիչ Գան Յույը շաբաթ օրը Ֆիլիպիններին զգուշացրել է գործողություններ կատարելուց, որոնք կհանգեցնեն անհամաձայնությունների խորացմանը Հարավչինական ծովի ջրավազանում։

Պեկինը մի քանի տասնամյակ վեճ է վարում որոշ երկրների հետ ծովի որոշ կղզիների պատկանելության վերաբերյալ, որնոցում ածխաջրածինների զգալի պաշարներ են հայտնաբերվել։ Խոսքն առաջին հերթին վերաբերում է Սիշա արշիպելագին (Պարասելյան կղզիներ), Նանշա եւ Հուանյան (Սկարբորո) կղզիներին։ Այդ հարցերն առնչվում են Բրունեյին, Վիետնամին, Մալայզիային եւ Ֆիլիպիններին։