Քեյթ Միդլթոնն ընտանիքի հետ մեկնել է անհայտ ուղղությամբ

Ուելսի արքայադուստր Քեյթ Միդլթոնը հեռացել է Վինձորի պալատից եւ ընտանիքի հետ մեկնել է անհայտ ուղղությամբ։ Այս մասին գրել է Mirror-ը։

Պարբերականի տեղեկացմամբ՝ ամուսնու եւ 10-ամյա արքայազն Ջորջի, 8-ամյա արքայադուստր Շառլոտայի եւ 5-ամյա արքայազն Լուիի հետ նրանք ուղղաթիռով մեկնել են անհայտ ուղղությամբ։ Ենթադրվում է, որ գնացել են իրենց Անմեր-հոլ կալվածք Նորֆոլքում, որտեղ կանցկացնեն զատկական արձակուրդները։

Մինչ այդ Ուելսի արքայադուստրը նշել էր, թե ինչպես է երեխաներին պատմել քաղցկեղից բուժվելու մասին։ Նրա խոսքով՝ իրեն եւ ամուսնուն «ժամանակ էր պետք, որպեսզի հանգստացնեն երեխաներին եւ բացատրեն ինչպես հարկն է», դրա համար էլ նա հրաժարվել է պարտականություններից։