Ազատ է արձակվել սեպտեմբերի 19-ի բողոքի ակցիաներին մասնակցած արցախցի երիտասարդը

Ազատ է արձակվել սեպտեմբերի 19-ի բողոքի ակցիաններին մասնակցած արցախցի երիտասարդը:

Այս մասին հայտնում է «Հայաստան» խմբակցության պատգամավոր Գեղամ Մանուկյանը։

«Քիչ առաջ 5 ամսյա կալանքից առաջին ատյանի դատարանի Աջափնյակի նստավայրից ազատ արձակվեց 2023 թ. սեպտեմբերի 19-ի բողոքի գործողությունների մասնակցության համար բանտարկված Արցախի Հադրութի Տումի գյուղի նախկին բնակիչ Մխիթար Օհանջանյանը:

Նրա պաշտպանությունը ստանձնել էր Հովհաննես Խուդոյանը, որին մեծ շնորհակալություն: 11 չնահանջողների դատը շարունակվում է»,-գրել է նա:

Մխիթար Օհանջանյանը մասնակցել է 2023 թ.-ի սեպտեմբերի 19-ին Արցախում ադրբեջանական ԶՈւ–ի կողմից սանձազերծված լայնածավալ ռազմական գործողությունների ֆոնին Երևանում տեղի ունեցած ցույցերին։ Նա հետախուզման մեջ էր 2023 թ.-ի հոկտեմբերի 24-ից։ Նրան Արշակունյաց պողոտայում հայտնաբերել ու կալանավորել էին հոկտեմբերի 27-ին։