Մոլդովայում ձերբակալել են ՌԴ դեսպանատունը հրկիզելու փորձ կատարած տղամարդուն
Մոլդովայում ՌԴ դեսպանատունը հրկիզելու փորձ կատարած տղամարդը ձերբակալվել է 72 ժամով, հայտնում է Քիշնևի ոստիկանության մամուլի ծառայությունը։
Այսօր ավելի վաղ հաղորդվել է, որ Քիշնևում ՌԴ դեսպանատան մոտ միջադեպ է տեղի ունեցել. անհայտ անձը հրկիզող խառնուրդով տարա է նետել դիվանագիտական ներկայացուցչության ցանկապատի վրայով։
Դեսպանատանը քվեարկությունը դադարեցվել է: Քիշնևի ոստիկանությունից Риа Новости-ին հայտնել են, որ տղամարդը ձերբակալվել է։ Նա, բացի Մոլդովայի քաղաքացիությունից, ունի նաև Ռուսաստանի քաղաքացիություն։