Լիոնը պաշտոնանկ է արել Գրոսսոյին. պաշտոնական

«Լիոնի» գլխավոր մարզիչ Ֆաբիո Գրոսսոն հեռանում է թիմից, հայտնում է ֆրանսիական ակումբի պաշտոնական կայքը։

««Լիոնը» ցանկանում է շնորհակալություն հայտնել Ֆաբիո Գրոսոյին և նրա օգնականներին աշխատանքի և պրոֆեսիոնալիզմի համար»,- ասվում է ակումբի հայտարարության մեջ:

Առաջիկայում թիմը կգլխավորի «Լիոնի» երիտասարդական բաժնի ղեկավար Պյեր Սեյջը։ Նախկինում 44-ամյա ֆրանսիացին մարզել է երիտասարդական թիմը։

Գրոսսոն «Լիոնը» գլխավորում է այս տարվա սեպտեմբերից։ Նրա գլխավորությամբ թիմն անցկացրել է 7 հանդիպում։ Թիմը 7 միավորով Լիգա 1-ի վերջին տեղում է։