Ռասել Քրոուն ցույց է տվել գլադիատորի կերպարով իր՝ իրական չափի շոկոլադե արձանը (լուսանկարներ)

Ավստրալացի դերասան Ռասել Քրոուն ցույց է տվել իր՝ ամբողջովին շոկոլադից պատրաստված իրական չափի արձանը, գրում է Daily Mail-ը:

182 սմ բարձրությամբ արձանը պատրաստված է Քրոուի ամենահայտնի կերպարի՝ գլադիատոր Մաքսիմուսի տեսքով: 59-ամյա դերասանը, որն այդ դերի համար արժանացել է հեղինակավոր «Օսկար» մրցանակի, արձանի լուսանկարը հրապարակել է X-ում:

«Որոշ մարդիկ ստանում են բրոնզից պատրաստված արձաններ, ոմանք՝ մարմարից: Մալթայում ինձ պատրաստել են շոկոլադից: Հիմա ինձ հնարավոր կլինի ուտել», - գրել է Քրոուն:

Արձանը ներկայացվել է Մալթայի կենտրոնում անցկացվող Hamrun շոկոլադի ամենամյա փառատոնում: