Մարմնամարզության ԱԱ․ Դավթյանի, Մերդինյանի և Ավետիսյանի արդյունքները

Բելգիայի Անտվերպեն քաղաքում շարունակվում է սպորտային մարմնամարզության Աշխարհի 52-րդ առաջնությունը, որին մասնակցում է նաև Հայաստանի թիմը:

Արթուր Ավետիսյանը և Վահագն Դավթյանը մրցեցին օղակների եզրափակիչում:

Եվրոպայի կրկնակի փոխչեմպիոն և Աշխարհի գավաթի ոսկե մեդալակիր Դավթյանը զբաղեցրեց 4-րդ տեղը, Ավետիսյանը՝ 7-րդ։

Աշխարհի առաջնությունների կրկնակի բրոնզե մեդալակիր, Եվրոպայի կրկնակի չեմպիոն Հարություն Մերդինյանը մրցեց նժույգ-թափերի եզրափակիչում։ Նա զբաղեցրեց 4-րդ տեղը։