Խոսվել է «Ազգ-բանակ», «Դիտակետ» ու «Ես եմ» ծրագրերից

Հոկտեմբերի 28-ին հայկական երկու հանրապետությունների ռազմական համագործակցության ծրագրի շրջանակում աշխատանքային այցով ՊԲ-ում գտնվող ՀՀ պաշտպանության նախարար Վիգեն Սարգսյանը Արցախի Հանրապետության պաշտանության նախարար, ՊԲ հրամանատար, գեներալ-լեյտենանտ Լևոն Մնացականյանի ուղեկցությամբ բանակի կենտրոնական զորամասերից մեկում հանդիպել է նորավարտ սպաների հետ: Վիգեն Սարգսյանը անդրադարձել է զինված ուժերի համակարգում և պաշտպանական ոլորտում տեղի ունեցող և ակնկալվող հայեցակարգային փոփոխություններին, պարզաբանումներ տվել «Ազգ-բանակ», «Դիտակետ» ու «Ես եմ» ծրագրերի, ինչպես նաև հանրային լայն հնչեղություն ստացած «Զինվորական ծառայության և զինծառայողների կարգավիճակի մասին» օրենքի նախագծի վերաբերյալ՝ հավաստիացնելով, որ բոլոր փոփոխություններն ունեն մեկ վերջնական նպատակ. ամրապնդել մեր պաշտպանունակությունը, կատարելագործել հակառակորդին զսպելու մեխանիզմները և բարձրացնել զինծառայողների իրավական ու սոցիալական պաշտպանվածության մակարդակը:

Վերջում ՀՀ ռազմական գերատեսչության ղեկավարը պատասխանել է հանդիպման մասնակիցների հարցերին:

ԱՀ ՊՆ

Այս թեմայով Վիգեն Սարգսյան. «Հայաստանում հեղափոխություն չի եղել» Վիգեն Սարգսյանը՝ «Ելք»-ին. Փառք եմ տալիս Աստծուն, որ այդպիսի մտածելակերպով դուք փոքրամասնություն եք (Տեսանյութ) Երբ նախարարը պետական մտածողություն ունի Փոփոխություններ դեռ կլինեն․ Վիգեն Սարգսյան Վիգեն Սարգսյանի ուղերձի հասցեատերը եւ պատվիրատուն