Վիտալի Բալասանյանի պաշտպանը մանրամասներ է ներկայացրել քրեական գործից եւ կալանքից
«Հրապարակը» զրուցել է Արցախի հերոս, ԱՀ Անվտանգության խորհրդի նախկին քարտուղար Վիտալի Բալասայանի պաշտպան Ռաֆայել Մարտիրոսյանի հետ։ Մեր զրույցից 5 րոպե անց սկսվելու էր դատական նիստը, որի ժամանակ պետք է քննվեր Բալասանյանի ձերբակալման իրավաչափությունը։
-Պարոն Մարտիրոսյան, ե՞րբ եք տեսել Վիտալի Բալասանյանին, ի՞նչ վիճակում է։
-Եթե Ձեզ հստակ րոպեներով ասեմ՝ 38-40 րոպե առաջ եմ տեսել։ Առողջական վիճակը անհանգստացնող չէ։ Հոգեպես ընկճվածություն չունի, հավասարակշիռ, հանգիստ վիճակում է։
-Երեկոյան գրել էիք, որ բազմաթիվ վնասվածքներ ունի։
-Ճիշտ այդպես և վերահաստատում եմ այդ վնասվածքների առկայությունը։
-Ինչի՞ արդյունքում է ստացել վնասվածքները։
-Ըստ երևույթին, բերման ենթարկելու ժամանակ, երբ ոչ համաչափ գործողություններ են կիրառել Վիտալի Բալասանյանի նկատմամբ։
-Բռնի ու՞ժ են կիրառել՝ հարվածե՞լ են։
-Ճիշտ այդպես։
-Խոշտանգումներ եղե՞լ են։
-Խոշտանգումների մակարդակը չի հասկացվում, օրինակ, կոնկրետ ո՞ր կոնվենցիայով ինչպես է ենթադրվում, որ գործողությունը, բայց այնուամենայնիվ վնասվածքներ կան։ Դեռևս հանգամանքները շատ իրարամերժ են, ոչ միայն կան տեղեկություններ, ինչպես Ազգային Անվտանգության ծառայության կողմից ներկայացված, այնպես էլ Վիտալի Բալասանյանի կողմից ներկայացված, թե ինչպիսի միջոցներ են ձեռնարկել։ Այն միջոցները, որոնք ձեռնարկվել են Վիտալի Բալասանյանի նկատմամբ, մենք չենք գտնում, որ դա տեղավորվում են իրավաչափության տիրույթում։
-Կմանրամասնե՞ք։
-Ձերբակալել են, ձեռքերից բռնել, ոլորել են՝ նստեցրել մեքենան, քաշել, քաշքշել․ այսպիսի գործողություններ։
-Նաև Վիտալի Բալասանյանի որդուն են ձերբակալել։ Նրանց միասի՞ն են բերման ենթարկել։
-Ճիշտ այդպես, բայց ներկայումս իր որդին և եղբայրը ազատության մեջ են՝ նրանց նկատմամբ որոշում է կայացվել ձերբակալումից ազատելու մասին։ Ընդ որում դա նրանց կողմից տրված հարցաքննության արդյունքներով։
-Վիտալի Բալասանյանին ուղղված մեղադրանքը հստակեցվա՞ծ է։
-Նա կասկածվում է Քրեական օրենսգքրի 336-րդ հոդվածի առաջին մասով՝ կատարված հանցագործության մեջ, դա իշխանության ներկայացուցչի նկատմամբ բռնություն գործադրելու սպառնալիքն է։
-Իսկ հայտնի՞ է, թե ում է սպառնացել Վիտալի Բալասանյանը՝ ըստ այդ վարկածի։
-Մեզ հայտնի չէ, թե կոնկրետ ում է դա վերաբերվում կամ ինչ սպառնալիքներ են եղել, նման բան չի եղել։ Վիտալի Բալասանյանն ընդամենը իրավաչափ պահանջներ է ներկայացրել Ազգային Անվտանգության Ծառայությանը, մասնավորապես նրանից խնդրել է ցույց տալ դատարանի որոշումը խուզարկությունն անցկացնելու մասին, նրան չեն ներկայացրել դատարանի թույլտվությունը՝ խուզարկությունը կատարելու վերաբերյալ և քանի դեռ նրան խուզարկության թույլտվության դատարանի որոշում չի եղել, Վիտալի Բալասանյանի համար ակնհայտ է դարձել, որ պետք է խուզարկություն կատարվի հետախուզության մասին օրենքի պահանջների դրույթներին համապատասխան։ Իսկ այդպիսի դրույթները առանձին իրավական ռեժիմ են առաջադրում հետախուզության մարմիններին՝ խուզարկություններ կատարելու համար։ Որոշակի վավերապայմանների դեպքում պետք է խուզարկություն կատարվի, իսկ Վիտալի Բալասանյանը խնդրել է բացատրել, արդյոք կա՞ն այդպիսի հանգամանքներ խուզարկություն կատարելու համար։ Բացի այդ, Վիտալի Բալասանյանն առաջարկել է խուզարկություն կատարող անձանց հայտնել, թե կոնկրետ ի՞նչ գույք են որոնում, կարող է կամովին հանձնել այդ գույքը, չէ որ խուզարկություն կատարելու ժամանակ խուզարկություն կատարող անձինք պետք է առաջարկեն իրենց որոնած գույքը հանձնելու մասին։ Այդպիսի պահանջներ չեն առաջադրվել Վիտալի Բալասանյանին։ Նրա համար ակնհայտ է դարձել, որ Ազգային Անվտանգության ծառայության աշխատողները փաստորեն խուզարկություն են կատարում ոչ իրավաչափ։
-Պարոն Բալասանյանը և Դուք սա քաղաքական հետապնդո՞ւմ եք որակում, հաշվեհարդար, թե՞ գործը դիտարկում եք զուտ իրավական դաշտում։
-Տեսեք, ես կարող եմ Ձեզ լրացուցիչ տեղեկացնեմ, որ Վիտալի Բալասանյանի նկատմամբ մեկ ամիս առաջ որոշում է կայացվել՝ մայիս ամսին, նրա պաշտոնավարումը ժամանակավոր դադարեցնելու մասին։ Մենք բողոքարկել ենք առաջին ատյանի դատարան՝ դատարանը բավարարել է մեր բողոքը, հետագայում այդ առաջին ատյանի դատարանի որոշման հետ կապված գլխավոր դատախազությունը բողոք է ներկայացրել Վերաքննիչ դատարան, Վերաքննիչ դատարանը բողոքը բավարարել է՝ դատախազության բողոքը բավարարել է։
-Իսկ ի՞նչ կասեք այդ շրջանառվող 75 միլիոնի մասով։
-75 միլիոնն, ըստ ինձ հասած տեղեկությունների, դատախազությունը հրապարակում է արել վարկը ոչ նպատակային օգտագործելու մասին, ամբողջական այդ հրապարակման բովանդակությանը ծանոթ չեմ, բայց որոշակի պատկերացում ունեմ վարկային պայմանագրերի իրագործման հետ կապված։ Վիտալի Բալասանյանի որդին պատրաստակամություն է հայտնում այդ ծրագրի շրջանակներում ցույց տալ իր կատարծ աշխատանքները, որոնք ավելին են, քան 74 միլիոնը։ Ընդ որում ասեմ, որ այդ վարկային ծրագրով կատարված աշխատանքների արդյունավետությունն արդեն ակնհայտ է դարձել, Արցախում գրեթե արդեն սկսել են զբաղվել այդ մեղվաբուծությամբ մասնագիտական ձևերով։ Այդքանը, խնդիր չկա բացվարձակապես, այդ հարցով որևէ մտահոգություն չունենք։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները