Ծերուկներին Բարսելոնա բերելով կործանում են թիմը. Կուման

Ռոնալդ Կումանը քննադատել է «Բարսելոնային»` տարեց խաղացողների տրանսֆերների համար.

«Նայելով դրսից՝ կարելի է քննարկել խաղացողների տարիքը: Նրանք ապագայի համար չեն աշխատում՝ ո՛չ ֆինանսապես, ո՛չ ֆուտբոլային տեսանկյունից։ Գյունդողանը հիանալի խաղացող է, բայց նրա հետ պետք էր ավելի վաղ պայմանագիր կնքել: Նրանք ձեռք են բերում ֆուտբոլիստներին 2-3 տարով։

Երբ ես մարզիչ էի, փող չկար։ Եվ ես տեսա, որ կա Պեդրին, Նիկոն, Գավին… Մենք Նիդերլանդներում սովոր ենք երիտասարդներին հնարավորություններ տալ։ Լավ ապագա ունենալու համար պետք է աշխատել։

Խոսքը նույնիսկ Գյունդողանի մասին չէ: Չի կարելի ամեն մրցաշրջանում այդ տարիքի երկու կամ երեք խաղացողների հետ պայմանագիր կնքել: Եթե ​​մտածեք ապագայի մասին, ապա 22 տարեկանն ավելի լավ է, քան 32 կամ 33 տարեկան խաղացողը»,- ասել է «Բարսելոնայի» նախկին մարզիչը, որն այժմ գլխավորում է Նիդերլանդների ազգային հավաքականը։

«Բարսելոնան» ձեռք է բերել Իլկայ Գյունդողանին, որը հոկտեմբերին դառնում է 33 տարեկան, և 32-ամյա Ինիգո Մարտինեսին: Երկու խաղացողներն էլ տեղափոխվել են կատալոնական ակումբ ազատ գործակալի կարգավիճակով: